ມຊ ປະກາດແຕ່ງຕັ້ັ້ງຕຳແໜ່ງວິຊາການຄູສອນຂັ້ນສາດສະດາຈານ ແລະຂັ້ນຮອງສາດສະດາຈານ

ໃນວັນທີ 26 ພຶດສະພາ 2022 ຜ່ານມານີ້, ມະຫາວິທະຍາໄລແຫ່ງຊາດ(ມຊ) ຈັດພິທີປະກາດຕຳແໜ່ງວິຊາການຄູສອນ ຂັ້ນສາດສະດາຈານ ແລະຂັ້ນຮອງສາດສະດາຈານ ທີ່ສະໂມສອນສະຖາບັນຂົງຈື ມຊ, ໂດຍການເປັນກຽດເຂົ້າຮ່ວມຂອງທ່ານ ຮສ. ປອ. ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະກີລາ, ມີທ່ານ ຮສ. ປອ. ສາຍຂອງ ສາຍນາສິນ ຫົວໜ້າກົມການສຶກສາຊັ້ນສູງ ກະຊວງສຶກສາທິການ ແລະກີລາ ພ້ອມດ້ວຍທ່ານຮອງອະທິການບໍດີ, ແຂກທີ່ຖືກເຊີນ ແລະພະນັກງານ, ຄູອາຈານ ເຂົ້າຮ່ວມ.

ໃນໂອກາດສໍາຄັນນີ້, ທ່ານ ຄຳລຽນ ນາມບຸດ ຮອງຫົວຫນ້າຫ້ອງການສະພາການສຶກສາຊັ້ນສູງ ກົມການສຶກສາຊັ້ນສູງ ກະຊວງສຶກສາທິການ ແລະກີລາ ໄດ້ຂຶ້ນລາຍງານການເຄື່ອນໄຫວຂອງສະພາໂດຍຫຍໍ້ວ່າ: ສະພາການສຶກສາຊັ້ນສູງແຫ່ງຊາດ ໄດ້ມີມະຕິຮັບຮອງ ແລະນຳສະເໜີລັດຖະບານ ເພື່ອພິຈາລະນາ ອະນຸມັດແຕ່ງຕັ້ງຕຳແໜ່ງວິຊາການຄູ ຂັ້ນສາດສະດາຈານ ແລະຮອງສາດສະດາຈານ ໃຫ້ແກ່ຄູສອນ ຢູ່ສະຖານການສຶກສາຊັ້ນສູງ ແລະໄດ້ຖືກອະນຸມັດແລ້ວ ມີຈຳນວນ 22 ທ່ານ, ຍິງ 03 ທ່ານ; ເຊິ່ງໃນນັ້ນ ຕໍາແໜ່ງວິຊາການຄູຂັ້ນສາດສະດາຈານ ມີ 05 ທ່ານ (ຍິງ 01 ທ່ານ ແລະຮອງສາດສະດາຈານ ມີ 17 ທ່ານ (ຍິງ 03 ທ່ານ).

ຊຶ່ງເປັນຄັ້ງທຳອິດນັບແຕ່ມີດຳລັດສ້າງຕັ້ງສະພາການສຶກສາຊັ້ນສູງແຫ່ງຊາດເປັນຕົ້ນມາ. ການຄົ້ນຄວ້າພິຈາລະນາຕຳແໜ່ງວິຊາການຄູ ຂັ້ນສາດສະດາຈານ ແລະຮອງສາດສະດາຈານ ຄັ້ງນີ້, ແມ່ນໄດ້ມີການຄົ້ນຄວ້າພິຈາລະນາຖືກຕ້ອງຕາມດໍາລັດ ແລະຄໍາແນະນໍາ ທຸກຂັ້ນຕອນ ໂດຍຜ່ານກອງປະຊຸມຜູ້ຊົງຄຸນວຸດທິ 09 ທ່ານ ຂອງແຕ່ລະຄະນະວິຊາ, ຜ່ານການພິຈາລະນາເຫັນດີ ແລະຮັບຮອງຂອງສະພາ ມຊ ແລະສຸດທ້າຍແມ່ນຜ່ານການພິຈາລະນາເຫັນດີຈາກກອງປະຊຸມ ສະພາການສຶກສາຊັ້ນສູງແຫ່ງຊາດ. ຕຳແໜ່ງວິຊາການຄູດັ່ງກ່າວ ໄດ້ຖືກຄົ້ນຄວ້າພິຈາລະນາ ຜ່ານທີ່ກອງປະຊຸມສະພາການສຶກສາຊັ້ນສູງແຫ່ງຊາດ ສະໄໝສາມັນ ໃນວັນທີ 29 ກໍລະກົດ 2021 ກອງປະຊຸມໄດ້ມີມະຕິຮັບຮອງຕໍາແໜ່ງວິຊາການຄູ ຂັ້ນສາດສະດາຈານ ຈໍານວນ 5 ທ່ານ (ຍິງ 01 ທ່ານ) ແລະ ຮອງສາດສະດາຈານ ຈຳນວນ 7 (ຍິງ 02 ທ່ານ) ທ່ານ ແລະກອງປະຊຸມສະພາການສຶກສາຊັ້ນສູງແຫ່ງຊາດ ສະໄໝວິສາມັນ ໃນວັນທີ 9 ທັນວາ 2021 ກອງປະຊຸມໄດ້ມີມະຕິຮັບຮອງຕຳແໜ່ງວິຊາການຄູ ຂັ້ນຮອງສາດສະດາຈານ ທັງໝົດ 10 ທ່ານ (ຍິງ 01 ທ່ານ).

ຫລັງຈາກນັ້ນ, ກະຊວງສຶກສາທິການ ແລະກີລາ ໄດ້ນໍາສະເໜີທ່ານນາຍົກລັດຖະມົນຕີ ເພື່ອພິຈາລະນາອະນຸມັດ ແລະຖືກຮັບຮອງ ແລະລົງລາຍເຊັນໃນວັນທີ 29 ເມສາ 2022.

ດຳລັດ ສະບັບເລກທີ 133-137/ນຍ, ລົງວັນທີ 29 ເມສາ 2022 ວ່າດ້ວຍການແຕ່ງຕັ້ງສາດສະດາຈານ ແຕ່ງຕັ້ງ:

ທ່ານ ຮສ. ປອ. ສົມພອນ ອິນຄຳແສງ ດໍາລົງຕໍາແໜ່ງ ສາດສະດາຈານ ສາຂາ ວິສະວະກຳສິ່ງແວດລ້ອມນ້ຳ
ທ່ານ ຮສ. ປອ. ສີທອງ ທອງມະນີວົງ ດໍາລົງຕໍາແໜ່ງ ສາດສະດາຈານ ສາຂາ ຄຸ້ມຄອງຊັບ ພະຍາກອນທຳມະຊາດ
ທ່ານ ຮສ. ປອ. ນາງ ລັດສະໝີ ບຸບຜາ ດໍາລົງຕໍາແໜ່ງ ສາດສະດາຈານ ສາຂາ ວິທະຍາສາດ ແລະ ເຕັກໂນໂລຊີໄມ້
ທ່ານ ຮສ. ປອ. ຮຸ່ງເພັດ ຈັນທະວົງ ດໍາລົງຕໍາແໜ່ງ ສາດສະດາຈານ ສາຂາ ຄຸ້ມຄອງຊັບພະ ຍາກອນປ່າໄມ້
ທ່ານ ຮສ. ປອ. ພູເພັດ ກ້ຽວພິລາວົງ ດໍາລົງຕໍາແໜ່ງ ສາດສະດາຈານ ສາຂາ ເສດຖະສາດ.

ດຳລັດສະບັບເລກທີ 138-154/ນຍ ລົງວັນທີ 29 ເມສາ 2022 ວ່າດ້ວຍການແຕ່ງຕັ້ງ ຮອງສາດສະດາຈານ ເຊິ່ງແຕ່ງຕັ້ງ:
ທ່ານ ວິລະ ອາໂນລັກ ດໍາລົງຕໍາແໜ່ງ ຮອງສາດສະດາຈານ ສາຂາ ສະຖາປັດຕະຍະກຳສາດ
ທ່ານ ປອ. ທອງພັນ ຈັນຖາວອນ ດໍາລົງຕໍາແໜ່ງ ຮອງສາດສະດາຈານ ສາຂາ ເສດຖະສາດ
ທ່ານ ນາງ ສົມສະໜຸກ ສິລິບຸນທັນ ດໍາລົງຕໍາແໜ່ງ ຮອງສາດສະດາຈານ ສາຂາ ວິສະວະກຳຊັບພະຍາກອນນ້ຳ
ທ່ານ ນາງ ພັນພະສາ ຫລອມ ຈັນທະລາ ດໍາລົງຕໍາແໜ່ງ ຮອງສາດສະດາຈານ ສາຂາ ບໍລິຫານທຸລະກິດ
ທ່ານ ປອ. ນາງ ທອງສະຫວັນ ນາຄະວິດ ດໍາລົງຕໍາແໜ່ງ ຮອງສາດສະດາຈານ ສາຂາ ບໍລິຫານທຸລະກິດ
ທ່ານ ປອ. ສົມຫວັງ ພິມມະວົງ ດໍາລົງຕໍາແໜ່ງ ຮອງສາດສະດາຈານ ສາຂາ ເສດຖະສາດປ່າໄມ້
ທ່ານ ປອ. ທຸມທອນ ວົງວີສຸກ ດໍາລົງຕໍາແໜ່ງ ຮອງສາດສະດາຈານ ສາຂາ ການວາງແຜນນໍາໃຊ້ທີ່ດິນ
ທ່ານ ປອ. ໄກສອນ ເພັງໂສພາ ດໍາລົງຕໍາແໜ່ງ ຮອງສາດສະດາຈານ ສາຂາ ເສດຖະສາດ ແລະນະໂຍບາຍປ່າໄມ້
ທ່ານ ປອ. ສິດທິໄຊ ໄຊຍະວົງ ດໍາລົງຕໍາແໜ່ງ ຮອງສາດສະດາຈານ ສາຂາ ບໍລິຫານທຸລະກິດ
ທ່ານ ປອ. ວຽງສະໝອນ ທໍາມະວົງ ດໍາລົງຕໍາແໜ່ງ ຮອງສາດສະດາຈານ ສາຂາ ອະນຸກົມວິຖານພືດ
ທ່ານ ປອ. ຈິດຕະນາ ພົມພິລາ ດໍາລົງຕໍາແໜ່ງ ຮອງສາດສະດາຈານ ສາຂາ ການວິເຄາະພາບຖ່າຍດາວທຽມສຳລັບປ່າໄມ້ ແລະ ແຫຼ່ງນໍ້າ
ທ່ານ ປອ. ປີຍະ ວົງພິດ ດໍາລົງຕໍາແໜ່ງ ຮອງສາດສະດາຈານ ສາຂາ ເສດຖະສາດ
ທ່ານ ປອ. ບຸນເລີດ ວັນນະລາດ ດໍາລົງຕໍາແໜ່ງ ຮອງສາດສະດາຈານ ສາຂາ ເສດຖະສາດ
ທ່ານ ປອ. ບຸນມີ ອິນທະເກສອນ ດໍາລົງຕໍາແໜ່ງ ຮອງສາດສະດາຈານ ສາຂາ ເສດຖະສາດ
ທ່ານ ປອ. ວິຣິຍະສັກ ສີສຸພັນທອງ ດໍາລົງຕໍາແໜ່ງ ຮອງສາດສະດາຈານ ສາຂາເສດຖະສາດ
ທ່ານ ປອ. ອາໄລ ພົນວິໄຊ ດໍາລົງຕໍາແໜ່ງ ຮອງສາດສະດາຈານ ສາຂາ ເສດຖະສາດ
ທ່ານ ປອ.ກ້າ ໄຟດ່າງລໍ່ເບຼຍຢາວ ດໍາລົງຕໍາແໜ່ງ ຮອງສາດສະດາຈານ ສາຂາ ເສດຖະສາດ.

ໃນພິທີອັນມີຄວາມໝາຍສໍາຄັນນີ້, ທ່ານ ຮສ. ປອ. ພຸດ ສິມມາລາວົງ ໄດ້ໂອ້ລົມຕໍ່ພິທີ ທ່ານກ່າວບາງຕອນວ່າ: ໃນໄລຍະຜ່ານມາ ຍາມໃດລັດຖະບານກໍໄດ້ເອົາໃຈໃສ່ວຽກງານພັດທະນາຊັບພະຍາກອນມະນຸດເປັນປັດໄຈສຳຄັນ; ການພັດທະນາ ຊັບພະຍາກອນມະນຸດແມ່ນມາຈາກຫຼາຍພາກສ່ວນບໍ່ວ່າຈະເປັນ ຄອບຄົວ, ສັງຄົມ ແລະສະຖາບັນການສຶກສາ ເຊິ່ງຕຳແໜ່ງວິຊາການຄູຂັ້ນສາດສະດາຈານ ແລະຮອງສາດສະດາຈານທີ່ບັນດາທ່ານໄດ້ຮັບ ກໍລ້ວນແຕ່ແມ່ນຜົນງານທາງດ້ານວິຊາການເຊັ່ນ: ຜົນງານການສິດສອນ, ຜົນງານການຄົ້ນຄວ້າວິທະຍາສາດ ເພື່ອສ້າງອົງຄວາມຮູ້ໃໝ່ໆອອກສູ່ສັງຄົມ ແລະການບໍລິການວິຊາການໃຫ້ແກ່ສັງຄົມເປັນຕົ້ນ.