ປາຣີສ ບໍ່ປິດໂອກາດທີ່ຈະຂາຍເນມ່າ ຫາກພວກເຂົາໄດ້ຮັບຂໍ້ສະເໜີທີ່ປະຕິເສດບໍ່ໄດ້

ແຊ້ມລີກເອີງ ບໍ່ປິດໂອກາດທີ່ຈະຂາຍດາວຍິງທີມຊາດບຣາຊິນ ຖ້າພວກເຂົາໄດ້ຮັບຂໍ້ສະເຫນີທີ່ບໍ່ອາດຈະປະຕິເສດໄດ້

ກອງໜ້າທີມຊາດບຣາຊິລ ຍ້າຍມາຈາກ ບາເຊໂລນ່າ ໃນປີ 2017 ດ້ວຍຄ່າຕົວເປັນສະຖິຕິໂລກ 222 ລ້ານເອີໂຣ, ຍິງໄດ້ 100 ປະຕູຈາກ 144 ນັດ, ຊ່ວຍທີມຄວ້າແຊ້ມລີກ 14 ສະໄໝ

ຢ່າງໃດກໍ່ຕາມ, ຫຼ້າສຸດ ປາຣີສ ໄດ້ຈັບ ຄີລຽນ ເອັມປັບເປ້ ຕໍ່ສັນຍາສະບັບໃຫມ່ ດ້ວຍສັນຍາທີ່ວ່າກັນວ່າມະຫາສານ ນີ້ເຮັດໃຫ້ສະໂມສອນມີຄວາມຄິດທີ່ຈະປ່ອຍດາວເຕະບາງຄົນເພື່ອຫຼຸດຄ່າໃຊ້ຈ່າຍ, ຫນຶ່ງໃນນັ້ນແມ່ນດາວຍິງ ແຊ້ມບ້າ ເຊິ່ງ ປາຣີສ ພ້ອມທີ່ຈະຂາຍທັນທີໃນຕະຫຼາດລະດູຮ້ອນນີ້ ຖ້າໄດ້ຮັບການສະເຫນີທຽບເທົ່າກັບມູນຄ່າຂອງນັກເຕະທີ່ທີມປະເມີນໄວ້ ແຕ່ບັນຫາຄືນາທີນີ້ຄົງຈະມີແຕ່ ນີວຄາສເຊິນ ເທົ່ານັ້ນ ມີທ່າແຮງທາງດ້ານການເງິນພຽງພໍ ເພື່ອຈ່າຍຄ່າຕົວ ແລະ ຄ່າຈ້າງຂອງດາວເຕະລາຍນີ້ ເຊິ່ງນັກເຕະເອງຄົງບໍ່ຍອມຍ້າຍອອກໄປງ່າຍໆເພາະວ່າເຂົາຕ້ອງການລົງຫຼີ້ນບານເຕະໃນລະດັບສູງຕໍ່ໄປ.