ໂມຮາເຫມັດ ຊາລາ – ຊອນ ເຮືອງ ມິນ ຄອງດາວຍິງສູງສຸດພຣີເມຍລີກຮ່ວມກັນ

ໂມຮາເຫມັດ ຊາລາ ປີກຂອງ ລີເວີພູລ ແລະ ຊອນ ເຮືອງ ມິນ ກອງຫນ້າ ທັອດແນມ ຮັອດສະເປີ ຄອງດາວຍິງສູງສຸດ ພຣີເມຍລີກ ອັງກິດ ລະດູການນີ້ຮ່ວມກັນ ດ້ວຍການຍິງ 23 ປະຕູເທົ່າກັນ.

ກ່ອນຫນ້າເກມພຮີເມຍລີກນັດສຸດທ້າຍເມື່ອວັນທີ 22 ພຶດສະພາ ຊາລາ ຄືຜູ້ນຳຕຳແຫນ່ງຜູ້ນຳດ່ຽວຈາກການຍິງປະຕູ 22 ປະຕູ ຈາກ 34 ນັດ ໂດຍມີ ຊອນ ເຮືອງ ມິນ ຕາມມາແບບຕິດໆດ້ວຍການຍິງໄປ 21 ປະຕູ.

ແລະໃນເກມສຸດທ້າຍ ເມື່ອຄືນວັນອາທິດຜ່ານມາ ຊາລາ ຍິງເພີ່ມໄດ້ອີກ 1 ປະຕູໃນເກມເປີດບ້ານເອົາຊະນະ ວູມແຮມຕັນ 3-1 ຂະນະທີ່ ຊົນ ເຮືອງ ມິນ ຍິງໄດ້ເພີ່ມອີກ 2 ປະຕູໃນເກມບຸກຖະຫລົ່ມ ນໍຣິສ ຊິຕີ.

ຈາກຜົນງານດັ່ງກ່າວ ເຮັດໃຫ້ທັງ ຊາລາ ແລະ ຊອນ ຍິງຄົນລະ 23 ປະຕູ ຈາກ 35 ນັດເທົ່າກັນ ຄອງດາວຍິງສູງສຸດຂອງພຣີເມຍລີກອັງກິດໃນລະດູການນີ້ຮ່ວມກັນ.

ນອກຈາກນັ້ນ ຊາລາ ຍັງໄດ້ຮັບລາງວັນ ນັກເຕະດີເດ່ັນຂອງລີກ ຫລັງຈ່າຍໃຫ້ຫມູ່ຍິງຫລາຍກທີ່ສຸດໃນຈຳນວນ 13 ປະຕູ.

ສ່ວນ ຊອນ ກາຍເປັນນັກເຕະຈາກທະວີບເອເຊຍ ຄົນທຳອິດທີ່ຄວ້າລາງວັນດາວຍິງພຣີເມຍລີກ ລວມເຖິງເປັນການຍິງໂດຍບໍ່ມີລູກໂທດເລີຍ.

ສ່ວນລາງວັນຖົງມືຄຳຕົກເປັນຂອງ ອະລິສຊອນ ເບັກເກີ ຜູ້ຮັກສາປະຕູຈາກ ລີເວີພູລ ແລະ ເອແດຊອນ ໂມຣາເອສ ຈາກ ແມນເຊສເຕີ ຊິຕີ ທີ່ຄອງຕຳແຫນ່ງຮ່ວມກັນຈາກການບໍ່ເສຍປະຕູໄດ້ 20 ນັດ.