ຟລອຍ ເມເວເທີ ຈູເນຍ ຂຶ້ນຊົກນັດພິເສດທີ່ດູໄບ ຍັງຄອງສະຖິຕິບໍ່ເສຍ

ຟລອຍ ເມເວເທີ ຈູເນຍ ອະດີດນັກຊົກແຊ໊ມໂລກຊາວສະຫະລັດ ອາເມລິກາ ຂຶ້ນຊົກນັດພິເສດທີ່ນະຄອນດູໄບ ກັບ ດອນ ມົວ ກ່ອນຈົບການແຂ່ງຂັນ 8 ຍົກດ້ວຍຜົນສະເຫມີ ພ້ອມຍັງຄອງສະຖິຕິບໍ່ເສຍຕໍ່ໄປ.

ຕາມກຳນົດເກ່ົານັດພິເສດລະຫວ່າງ ຟລອຍ ອາຍຸ 45 ປີ ກັບ ມົວ ອະດີດຄູ່ຊ້ອມຂອງຕົວເອງທີ່ລອນຈອດເຮລີຄອບເຕີຂອງໂຮງແຮມບູຊາລ ອັລ ອາຫຣັບ ນະຄອນດູໄບ ປະເທດສະຫະລັດ ອາຣັບ ເອມີເຣສ ຕ້ອງຂຶ້ນຊົກກັນຕັ້ງແຕ່ວັນທີ 14 ພຶດສະພາ.

ແຕ່ຈາກການທີ່ ຊິກ ຄາລິຟາ ບິລ ຊາເຢດ ອັລ ນາຢານ ປະທານນາທິບໍດີສະຫະລັດ ອາຣັບ ເອມີເຣດ ໄດ້ເສຍຊີວິດເມື່ອວັນທີ 13 ພຶດສະພາ ເຮັດໃຫ້ນັດດັ່ງກ່າວຕ້ອງເລື່ອນເປັນວັນທີ 21 ພຶດສະພາ.

ຜົນປາກົດວ່າ ຕະຫລອດ 8 ຍົກເປັນນັກຊົກເຈົ້າຂອສາຍາ ເດິ ມັນນີ ທີ່ເຮັດໄດ້ດີກວ່າ ກ່ອນຈົບການດ້ວຍຜົນສະເຫມີ ເນື່ອງຈາກເປັນນັດພິເສດບໍ່ມີການຕັດສິນຜູ້ຊະນະແຕ່ຢ່າງໃດ.

ຈາກຜົນນັດດັ່ງກ່າວເຮັດໃຫ້ ຟລອຍ ມີສະຖິຕິການຊົກອາຊີບ 50 ຄັ້ງ ຊະນະລວດ (ນ໊ອກ 27 ນັດ) ຂະນະທີ່ ສະຖິຕິການຊົກນັດພິເສດ 3 ຄັ້ງ ຊະນະ 1 ແລະ ສະເຫມີ 2 (ນ໊ອກ 1 ຄັ້ງ).