ປະທານາທິບໍດີຄົນໃໝ່ ຕີມໍແລັດສະເຕ ສາບານຕົວດຳລົງຕຳແໜ່ງ ຈະອອກແຮງຊຸກຍູ້ ໃຫ້ປະເທດມີຄວາມໝັ້ນຄົງດ້ານສະບຽງອາຫານ, ແກ້ໄຂບັນຫາໂພຊະນາການທີ່ບໍ່ພຽງພໍ
May 21, 2022 - 12:12 PM
ຕາມຂ່າວຈາກ CRI ຂອງຈີນ ວັນທີ 20 ພຶດສະພາ 2022 ນີ້, ທ່ານ ໂຈເຊ ມານິວ ຣາມົສ ຮໍຕາ ໄດ້ເຂົ້າພິທີ ສາບານຕົວຂຶ້ນດຳລົງຕຳແໜ່ງປະທານາທິບໍດີຄົນໃໝ່ຂອງຕີມໍແລັດສະເຕ ຢູ່ຫໍສະພາປະຊາຊົນ ດີລີ.
ຈາກນັ້ນ ທ່ານ ໂຈເຊ ມານິວ ຣາມົສ ຮໍຕາ ໄດ້ຮຽກຮ້ອງໃຫ້ພັກຝ່າຍຕ່າງໆຂອງຕີມໍແລັດສະເຕສືບຕໍ່ຮັກສາຄວາມສາມັກຄີກັນເພື່ອໃຫ້ບັນລຸເປົ້າໝາຍການພັດທະນາຕາມຄວາມປາຖະໜາຂອງປະຊາຊົນ.
ພ້ອມກັນນັ້ນ, ທ່ານ ຍັງໄດ້ໃຫ້ ຄຳໝັ້ນສັນຍາວ່າ: ຈະອອກແຮງຊຸກຍູ້ ໃຫ້ປະເທດມີຄວາມໝັ້ນຄົງດ້ານສະບຽງອາຫານ, ແກ້ໄຂບັນຫາໂພຊະນາການທີ່ບໍ່ພຽງພໍ ແລະ ຫລຸດດຜ່ອນຄວາມທຸກຍາກ, ຍົກລະດັບການບໍລິການສາທາລະນະສຸກສຳລັບ ແມ່ ແລະ ເດັກໃຫ້ດີຂຶ້ນພ້ອມທັງປະສານງານໃນການຊຸກຍູ້ການສ້າງສັນຕິພາບໃນພາກພື້ນກໍຄື ຂອງໂລກ, ເພີ່ມທະວີການພົວພັນກັບປະເທດໃກ້ຄຽງ ແລະ ຫວັງວ່າຈະເຂົ້າເປັນສະມາຊິກອາຊຽນ ໃນໄວໆນີ້.
