ຄະນະສະມາຄົມມິດຕະພາບລາວ-ສີລັງກາ ຊຸດໃໝ່ 7 ທ່ານໄດ້ພົບປະກັນເປັນເທື່ອທໍາອິດ

ວັນທີ 18 ພຶດສະພາຜ່ານມາ, ຄະນະສະມາຄົມມິດຕະພາບ ລາວ-ສີລັງກາ ຊຸດໃໝ່ 7 ທ່ານໄດ້ພົບປະ ກັນເປັນເທື່ອທໍາອິດ ພາຍຫລັງໄດ້ຮັບການແຕ່ງຕັ້ງຈາກພັກເມື່ອບໍ່ດົນຜ່ານມາ ທີ່ຮ້ານອາຫານ ສີລັງກາ Taste of Ceylon ເພື່ອແນະນໍາສ້າງຄວາມຮູ້ຈັກກັນພາຍໃນຄະນະບໍລິຫານງານສະມາຄົມດັ່ງກ່າວໂດຍມີທ່ານ ສະຫວັນຄອນ ຣາຊມຸນຕຣີ ອະດີດຮອງລັດຖະມົນຕີ ກະຊວງຖະແຫລງຂ່າວ, ວັດທະນະທໍາແລະ ທ່ອງທ່ຽວ ເປັນປະທານອີກເທື່ອໃໝ່ພ້ອມດ້ວຍທ່ານນາງ ອາລີຍະວັນ ອັກຄະວົງ ຮອງປະທານສູນກາງ ສະຫະພັນກໍາມະບານລາວ ແລະ ທ່ານ ສີປະໄພ ໄຊສົງຄາມ ຫົວໜ້າຫ້ອງການກະຊວງກະສິກໍາ ແລະ ປ່າໄມ້ ເປັນຮອງປະທານ, ທ່ານ ສັນຕິສຸກ ພູນສະຫວັດ ຫົວໜ້າກົມຊັບສິນທາງປັນຍາ ກະຊວງອຸດສາຫະກຳ ແລະ ການຄ້າ ເປັນເລຂາທິການ, ທ່ານ ສັງຄົມ ຈັນສຸກ ຮອງປະທານສະພາການຄ້າ ແລະ ອຸດສາ ຫະກໍາແຫ່ງຊາດ, ປະທານສະພາການຄ້າ ແລະ ອຸດສາຫະກໍາ ນະຄອນຫລວງວຽງຈັນ, ທ່ານ ບຸນທະວີ ພອນທະສິນ ຮອງຫົວໜ້າກົມສາສະໜາສູນກາງແນວລາວສ້າງຊາດ ແລະ ທ່ານ ບັນຈົງ ລັດຖະວັນ ຮອງ ຫົວໜ້າກົມສຶກສາສາມັນ ກະຊວງສຶກສາທິການ ແລະ ກິລາ ເປັນຄະນະບໍລິຫານງານ.

ພ້ອມດຽວກັນກໍເພື່ອແນະນໍາຄະນະສະມາຄົມໃຫ້ເພື່ອນມິດລາວຈາກຫລາຍພາກສ່ວນທຸລະກິດ ແລະ ສັງຄົມລວມມທັງເພື່ອນມິດສີລັງກາທີ່ເຮັດທຸລະກິດຕ່າງໆຢູ່ລາວເປັນຕົ້ນທ່ານ ດິລີບ ເຈົ້າຂອງຮ້ານອາຫານທີ່ສະໜັບສະໜູນໃຫ້ແກ່ການພົບປະກັນຄັ້ງນີ້.

ສະມາຄົມມິດຕະພາບ ລາວ-ສີລັງກາ ເປັນໜຶ່ງໃນຫລາຍສະມາຄົມມິດຕະພາບລາວກັບປະເທດເພື່ອນມິດ ທີ່ໄດ້ຮັບການແຕ່ງຕັ້ງຈາກພັກ-ລັດ ເພື່ອປະກອບສ່ວນໃນວຽກງານການທູດ ປະຊາຊົນ ຮັບໃຊ້ໃຫ້ແກ່ວຽກ ງານການຕ່າງປະເທດ, ວຽກງານການທູດຂອງພັກປະຊາຊົນ ປະຕິວັດລາວ ແລະ ລັດຖະບານສປປລາວ.