ເລວານດອບສະກີ ພ້ອມຫລຸດຄ່າເມື່ອຍສານຝັນໄປ ບາເຊໂລນາ
ໂຣເບີດ ເລວານດອບສະກີ ດາວຍິງທີມຊາດໂປແລນ ຂອງສະໂມສອນບາເຢິນ ມິວນິກ ພ້ອມຫລຸດຄ່າເມື່ອຍເຖິງ 100,000 ປອນຕໍ່ອາທິດ ເພື່ອສານຝັນໃນການຍ້າຍໄປສວມຊຸດ ບາເຊໂລນາ.
ໂຣເບີດ ເລວານດອບສະກີ ດາວຍິງທີມຊາດໂປແລນ ພ້ອມຫລຸດຄ່າເມື່ອຍຂອງຕົນເອງເຖິງ 100,000 ປອນຕໍ່ອາທິດ ເພື່ອສານັນໃນການຍ້າຍຈາກ ບາເຢິນ ມິວນິກ ທີມແຊ໊ມລີກ ບຸນເດສ ລີກາ ເຢຍລະມັນ ໄປຫລິ້ນກັບ ບາເຊໂລນາ ທີມໃຫຍ່ຂອງສະເປນ ໃນໄລຍະລະດູການນີ້.
‘‘ ມຸນໂດ ເດປໍຕິໂບ ’’ ສື່ຊື່ດັງໃນສະເປນ ລາຍງານວ່າ ເລວານດອບສະກີ ເຊິ່ງແຈ້ງກັບ ບາເຢິນ ມິວນິກ ໄປແລ້ວວ່າ ຕ້ອງການຍ້າຍສັງກັດໃນໄລຍະລະດູການນີ້ ເຖິງຈະຍັງເຫລືອສັນຍາເຖິງປີ 2023 ນັ້ນ ບັນລຸຂໍ້ຕົກລົງກັບ ບາເຊໂລນາ ຮຽບຮ້ອຍແລ້ວ ໂດຍຈະເຊັນສັນຍາໃນຖິ່ນ ຄຳ ນູ ເປັນເວລາ 3 ປີ.
ທີ່ສຳຄັນ ດາວຍິງອາຍຸ 33 ປີ ຍັງພ້ອມຈະຫລຸດຄ່າເມື່ອຍຈາກທີ່ໄດ້ຮັບຢູ່ 350,000 ປອນຕໍ່ອາທິດໃນປັດຈຸບັນລົງມາເຫລືອ 250,000 ປອນຕໍ່ອາທິດ ຫລືອຈາກປີລະ 18,6 ລ້ານປອນຕໍ່ປີ ລົງມາເຫລືອ 13,5 ລ້ານປອນຕໍ່ປີນຳອີກ.
ແນວໃດກໍຕາມ ບາເຊໂລນາ ເຊິ່ງພ້ອມຈ່າຍຄ່າຕົວຂອງ ເລວານດອບສະກີ ບໍ່ເກີນ 30 ລ້ານປອນ ນັ້ນ ຍັງຫນ້າຈະຕ້ອງເຈລະຈາກັບ ບາເຢິນ ມິວນິກ ອີກຫລາຍເທື່ອ ຫາກຢາກໄດ້ນັກເຕະໄປຮ່ວມທີມແທ້ ຫລັງ ບາເຢິນ ມິວນິກ ຢືນຢັນວ່າ ກອງຫນ້າລາຍນີ້ຈະຕ້ອງຍິງປະຕູຢູ່ໃນ ອັລລີອັນ ອາຣີນາ ຈົນຄົບສັນຍາ ແລະ ຈະບໍ່ໄດ້ຮັບອະນຸຍາດໃຫ້ຍ້າຍທີມໃນໄລຍະລະດູການນີແນ່ນອນ.
