ເອັມບັບເປ ຕົກລົງເງື່ອນໄຂສ່ວນຕົວກັບ ຣຽວ ມາດຣິດ ຮຽບຮ້ອຍແລ້ວ ລໍຖ້າເປີດຕົວທາງການເທົ່ານັ້ນ

ສື່ຊັ້ນນຳລາຍງານຂ່າວວ່າ ຄີລີຢັນ ເອັມບັບເປ ດາວຍິງແຊ໊ມໂລກ ຕົກລົງເງື່ອນໄຂສ່ວນຕົວກັບ ຣຽວ ມາດຣິດ ໄດ້ແລ້ວ ໂດຍນັກເຕະກຽມຍ້າຍຈາກ ປາຣີສ ແຊັງ ແຊັກແມັງ ແບບບໍ່ມີຄ່າຕົວໃນໄລຍະລະດູການນີ້.

ເອັມບັບເປ ຕົກເປັນທີ່ຫມາຍປອງຂອງ  ຣຽວ ມາດຣິດ ມາຕະຫລອດໄລຍະທີ່ຜ່ານມາ ໂດຍນັກເຕະເກືອບໄດ້ຍ້າຍໄປຫລິ້ນໃຫ້ກັບພວກເຂົາຕັ້ງແຕ່ລະດູການກ່ອນ ແຕ່ຕົ້ນສັງກັດຂອງ ເອັມບັບເປ ປະຕິເສດຄ່າຕົວ 171 ລ້ານປອນ ຂອງ ຣຽວ ມາດຣິດ.

ແນວໃດກໍຕາມ ດາວຍິງທີມຊາດຝຣັ່ງເຊິ່ງຈະຫມົດສັນຍາກັບຕົ້ນສັງກັດຫລັງຈົບລະດູການນີ້ມີຄວາມມຸ້ງຫວັງຢ່າງແຮງກ້າທີ່ຈະຍ້າຍໄປຍັງຖິ່ນ ຊານຕີອາໂກ ເບນາເບລ, ຫລ້າສຸດ ດິ ແອດເລຕິກ ສື່ຊື່ດັງລະບຸວ່າຕອນນີ້ນັກເຕະໄດ້ຕົກເງື່ອນໄຂສ່ວນຕົວກັບ ຣຽວ ມາດຣິດ ໄດ້ແລ້ວ.

ແນວໃດກໍຕາມດາວຍິງຊາວຝຮັ່ງອາຍຸ 23 ປີ ທີ່ຈະຫມົດສັນຍາໃນວັນທີ 30 ມິຖຸນານີ້ ຍັງບໍ່ມີການເຊັນສັນຍາຢ່າງເປັນທາງການ ເຊິ່ງເຮັດໃຫ້ ເປແອສເຊ ຍັງມີໂອກາດໂນ້ມນ້າວໃຫ້ລາວຢູ່ກັບທີມຕໍ່ໄປ.

ທັງນີ້ ເອັມບັບເປ ເຊິ່ງເປັນແຟນພັນແທ້ຂອງ ຣຽວ ມາດຣິດ ແລະມີໂປສເຕີ ຄຣິສຕຽນໂນ ໂຣນັລໂດ ຕິດເອົາໄວ້ທີ່ກຳແພງຫ້ອງນອນຕອນຍັງນ້ອຍ ຫາກໍອອກມາເວົ້າກ່ຽວກັບການຕັດສິນໃຈເລື່ອງອະນາຄົດຂອງຕົວເອງວ່າໃກ້ຈະໄດ້ບົດສະຫລຸດແລ້ວ.