ຢໍໂຄວິດ ສ້າງສະຖິຕິຄວ້າໄຊລະດັບມາສເຕີຄົບ 1000 ເກມ

ໂນວັກ ຢໍໂຄວິດ ຍອດນັກເທັນນິສຊາວເຊີເບຍ ຍັງໂຊຟອມໂຫດຕໍ່ເນື່ອງ ຫລັງເອົາຊະນະ ແຄສເປີ ຣຸດ 2 ເຊັດ ເຂົ້າຮອບຊີງຊະນະເລີດລາຍການ ໂຣມ ມາສເຕີ ພ້ອມສ້າງສະຖິຕິຄວ້າໄຊໃນລະດັບລາຍການລະດັບມາສເຕີຄົບ 1000 ເກມຮຽບຮ້ອຍ.

ການແຂ່ງຂັນເທັນນິສ ເອທີພີເວີລທົວ ມາສເຕີ 1000 ລາຍການ ອິນເຕີນາຊີອອງນາລີ ບີເອັນແອລ ອິຕາເລຍ ທີ່ນະຄອນຫລວງໂຣມ ປະເທດອິຕາລີ ເມື່ອວັນເສົາທີ່ຜ່ານມາ ໃນປະເພດຊາຍດ່ຽວ ຮອບຮອງຊະນະເລີດ ໂນວັກ ຢໍໂຄວິດ ມືວາງອັນດັບ 1 ຈາກເຊີເບຍ ໂຊຟອມສົມລາຄາ ຫລັງເອົາຊະນະ ແຄສເປີ ຣຸດ ມື 5 ຈາກນໍເວ 2 ເຊັດລວດ 6-4, 6-3 ຜ່ານເຂົ້າຮອບຊີງຊະນະເລີດໄດ້ສຳເລັດ ພ້ອມສ້າງສະຖິຕິຄວ້າໄຊໃນລະດັບມາສເຕີ ຄົບ 1000 ເກມຮຽບຮ້ອຍແລ້ວ.

ສຳລັບໃນຮອບຊີງຊະນະເລີດ ຢໍໂຄວິດ ຈະຜ່ານເຂົ້າໄປພົບກັບ ສະເຕຟານອສ ຊິສຊິປາສ ມືວາງອັນດັບ 4 ຈາກກຣິດ ທີ່ຊະນະ ອາເລັກຊານເດີ ຊະເວເຣຟ ມື 2 ຈາກເຢຍລະມັນ ມາໄດ້ຫວຸດຫວິດ 4-6, 6-3, 6-3 ເປັນດ່ານຕໍ່ໄປ.