ຈີນ ຖອນຕົວເປັນເຈົ້າພາບເອຊຽນ ຄັບ 2023 ເນື່ອງຈາກພະຍາດໂຄວິດ-19 ກັບມາລະບາດອີກຄັ້ງ

ສະຫະພັນບານເຕະເອເຊຍ (AFC) ຢືນຢັນວ່າ ສປ ຈີນ ຖອນຕົວອອກຈາກການເປັນເຈົ້າພາບເອຊຽນ ຄັບ 2023 ໄລຍະກາງປີຫນ້າ ເຖິງວ່າໄດ້ກຽມການສ້າງສະຫນາມຮອງຮັບການແຂ່ງຂັນແລ້ວກໍຕາມ.

ຄວາມເຄື່ອນໄຫວການແຂ່ງຂັນບານເຕະເອຊຽນ ຄັບ 2023 ເຊິ່ງຈະແຂ່ງຂັນວັນທິ 16 ມິຖຸນາ-16 ກໍລະກົດ ປີຫນ້າ ເຊິ່ງຕາມກຳນົດເກ່ົາ ສປ ຈີນ ໄດ້ຮັບຫນ້າທີ່ເປັນເຈົ້າພາບຈັດການແຂ່ງຂັນດັ່ງກ່າວຕັ້ງແຕ່ວັນທີ 5 ມິຖຸນາ 2019.

ຫລ້າສຸດ ສະມາຄົມບານເຕະ ສປ ຈີນ ໄດ້ແຈ້ງເຖິງ ສະຫະພັນບານເຕະ ເອເຊຍ ວ່າມີຄວາມຈຳເປັນຕ້ອງຖອນຕົວຈາກການເປັນເຈົ້າພາບ ເອຊຽນ ຄັບ 2023 ກະທັນຫັນ ເຖິງຈະມີການອອກແບບໂລ້ໂກ້ ແຂ່ງຂັນ ລວມເຖິງສ້າງສະຫນາມບານເຕະແຫ່ງໃຫມ່ເຊ່ັນ : ສົງຊິ່ງ, ຫລົງຊິ່ງ ເຊິ່ງມີຄວາມບັນຈຸແຟນບານໄດ້ເຖິງ 60,000 ຄົນ ສຳລັບຮອງຮັບລາຍການດັ່ງກ່າວແລ້ວ ຫລັງສະຖານະການໂຄວິດ-19 ກັບມາລະບາດຮຸນແຮງຕໍ່ເນື່ອງອີກເທື່ອຫນຶ່ງໃນຈີນ ຈົນລັດຖະບານໄດ້ປະກາດຫ້າມປະຊາຊົນເດີນທາງອອກນອກປະເທດເປັນທີ່ຮຽບ້ອຍແລ້ວ.

ໂດຍ ສະຫະພັນບານເຕະເອເຊຍ ຍັງບໍ່ໄດ້ແຈ້ງວ່າປະເທດໃດຈະຮັບຫນ້າທີ່ເປັນເຈົ້າພາບແທນ ແຕ່ຈະຕ້ອງເລ່ັງຫາຊາດມາຮັບຫນ້າທີ່ໃຫ້ໄດ້ໂດຍໄວທີ່ສຸດ.