ທ່ານ ລີເຈ່ຍຊ່າວ ໄດ້ຮັບເລືອກຕັ້ງເປັນຜູ້ວ່າການເຂດບໍລິຫານພິເສດຮົງກົງສະໄໝທີ 6

ຕາມ​ຂ່າວ​ຈາກ​ cri ຂອງ​ຈີນ, ທ່ານ ລີເຈ່ຍຊ່າວ ໄດ້ຮັບການເລືອກຕັ້ງ ເປັນຜູ້ວ່າການ ເຂດບໍລິຫານ ພິເສດ ຮົງກົງ ຂອງ​ຈີນ ຄົນ​ໃໝ່ ສະໄໝທີ 6 ​ຫລັງ​ຈາກ ຄະນະ ກຳມະການ ເລືອກຕັ້ງ ຜູ້ວ່າການ ເຂດບໍລິຫານ ພິເສດ ຮົງກົງ ມີກຳມະການ ເກືອບ 1.460 ຄົນ ໄດ້ລົງຄະແນນສຽງ ຕໍ່ຜູ້ສະໝັກ ຮັບເລືອກຕັ້ງ ດ້ວຍແບບວິທີ ທີ່ບໍ່ລະບຸຊື່, ທ່ານ ລີເຈ່ຍຊ່າວ ໄດ້ຮັບ ຄະແນນສຽງ 1.416 ສຽງ ຊຶ່ງທົ່ວຂະບວນ ການເລືອກຕັ້ງ ໄດ້ດຳເນີນໄປ ພາຍໃຕ້ ການຕິດຕາມ ກວດກາ ຂອງຄະນະ ກຳມະການ ຄຸ້ມຄອງ ການເລືອກຕັ້ງ ຂອງເຂດບໍລິຫານ ພິເສດ ຮົງກົງ, ອົງການ ຕ້ານການ ສໍ້ລາດ ບັງຫລວງ, ຜູ້ແທນ ຂອງຜູ້ສະໝັກ ຮັບເລືອກຕັ້ງ ເພື່ອຕິດຕາມ ການປ່ອນບັດ, ສາທາ ລະນະຊົນ ສາມັນ ແລະ ສື່ມວນຊົນ. ປັດຈຸບັນ ອົງ ການ ປົກຄອງ ເຂດບໍລິຫານ ພິເສດ ຮົງກົງ ໄດ້ລາຍງານ ຜົນການ ເລືອກ ຕັ້ງ ດັ່ງກ່າວ ໃຫ້ລັດຖະບານ ປະຊາຊົນ ສູນກາງຈີນ ແຕ່ງຕັ້ງ. ສຳລັບ ໄລຍະ ດຳລົງຕຳແໜ່ງ ຂອງຜູ້ວ່າການ ເຂດບໍລິຫານ ພິເສດ ຮົງກົງ ສະໄໝທີ 6 ຈະເລີ່ມແຕ່ ວັນທີ 1 ກໍລະກົດ ປີນີ້ ຫາວັນທີ 30 ມິຖຸນາປີ 2027.