ຄ່າເງິນລີຣາ ຂອງ ປະເທດ ຕວັກກີ ຫລຸດລົງລະດັບຕ່ຳສຸດໃນຮອບ20ປີ
May 10, 2022 - 1:43 PM
ຕາມຂໍ້ມູນຈາກ ສຳນັກງານ ສະຖິຕິ ແຫ່ງຊາດ ຕວັກກີ ເປີດເຜີຍວ່າ: ຄ່າເງິນ ລີຣາ ຂອງຕວັກກີ ຫລຸດລົງ ສູ່ລະດັບ 15,03 ເມື່ອທຽບໃສ່ ໂດລາ ສະຫະລັດ ຊຶ່ງເປັນລະດັບ ຕ່ຳສຸດ ໃນປະຫວັດສາດ ຄ່າເງິນ ລີຣາ ຫລຸດລົງ ເກືອບ 60% ເມື່ອທຽບໃສ່ ໂດລາ ສະຫະລັດ ນັບຕັ້ງແຕ່ ປີ 2021 ຫລັງຈາກ ດັດຊະນີ ລາຄາ ຜູ້ບໍລິໂພກ (CPI) ຊຶ່ງເປັນ ມາດວັດ ເງິນເຟີ້ ຈາກການ ໃຊ້ຈ່າຍ ຂອງຜູ້ບໍລິໂພກ ເພີ່ມຂຶ້ນ 69,97% ໃນເດືອນເມສາ ເມືອທຽບໃສ່ ປີກາຍ ຊຶ່ງເປັນລະດັບ ສູງສຸດ ໃນຮອບ 20ປີ ແລະ ບົນພື້ນຖານ ປະຈຳເດືອນ CPI ໄດ້ຟື້ນຕົວ 7,25% ໃນເດືອນ ເມສາ ຜ່ານມາ. ການເພີ່ມຂຶ້ນ ຂອງອັດຕາ ເງິນເຟີ້ ໃນເດືອນເມສາ ໄດ້ຮັບ ແຮງໜູນ ຈາກການ ປັບຕົວ ຂອງລາຄາ ອາຫານ ແລະ ຄ່າໃຊ້ຈ່າຍ ໃນພາກ ການຂົນສົ່ງ. ນອກນີ້ ດັດຊະນີ ລາຄາ ຜູ້ຜະລິດ(PPI) ຊຶ່ງເປັນ ມາດວັດ ເງິນເຟີ້ ຈາກການ ໃຊ້ຈ່າຍ ຂອງຜູ້ຜະລິດ ເພີ່ມຂຶ້ນ121,82% ເມື່ອທຽບໃສ່ ໄລຍະ ດຽວກັນ ປີກາຍ ແລະ ປັບຕົວຂຶ້ນ7,67% ເມືອງທຽບໃສ່ ລາຍເດືອນ.
