ຮົມຢາພື້ນເມືອງດີທັງຕໍ່ສຸຂະພາບ ແລະ ຄວາມງາມ
ການຮົມຢາພື້ນເມືອງເປັນໜຶ່ງໃນການເບິ່ງແຍງດູແລສຸຂະພາບຂອງຄົນລາວເຮົາມາແຕ່ບູຮານ ມັກນິຍົມໃນແມ່ລູກອ່ອນ ຫລື ບຳບັດບາງພະຍາດ ຫລື ຊ່ວຍໃຫ້ເລືອດລົມໄຫລວຽນດີຂຶ້ນໂດຍພືດສະໝຸນໄພພື້ນເມືອງ.
ປະຈຸບັນ ປະໂຫຍດຂອງການຮົມຢາພື້ນເມືອງບໍ່ໄດ້ຖືກຈຳກັດໃຫ້ນິຍົມແຕ່ແມ່ລູກອ່ອນເທົ່ານັ້ນຍັງນິຍົມຮົມເພື່ອຄວາມງາມ ແລະ ການຫລຸດນຳ້ໜັກນຳອີກ.
- ປະໂຫຍດດ້ານສຸຂະພາບມີດັ່ງນີ້ :
– ຊ່ວຍໃຫ້ເລືອດໄຫລວຽນດີຂຶ້ນ.
– ເຮັດໃຫ້ມົດລູກເຂົ້າອູ່ໄວ, ໄລ່ນຳ້ຄາວປາ.
– ຊ່ວຍຂະຫຍາຍຫລອດລົມຊ່ວຍໃຫ້ປອດເຮັດໜ້າທີ່ໄດ້ດີຂຶ້ນ.
– ຫລຸດຜ່ອນອາການປວດເມື່ອຍ ແລະ ບໍ່ສະບາຍໂຕ.
– ຊ່ວຍປິ່ນປົວພະຍາດຜິວໜັງບາງຊະນິດ.
– ຫລຸດອາການບວມ, ປວດຕາມຂໍ້.
– ປັບຄວາມດຸ່ນດ່ຽງຂອງຮ່າງກາຍ.
- ຄຸນປະໂຫຍດທາງດ້ານຄວາມງາມມີດັ່ງນີ້ :
– ຊ່ວຍໃຫ້ຜິວສົດໃສ, ມີນຳ້ມີນວນ.
– ໄລ່ສານພິດ.
– ໄລ່ສິ່ງເປິເປື້ອນທີ່ຕົກຄ້າງຢູ່ເທິງຜິວໜັງອອກ.
– ຊ່ວຍຫລຸດຄວາມມັນເທິງໃບໜ້າ.
– ຊ່ວຍຫລຸດນຳ້ໜັກ.
- ບຸກຄົນທີ່ບໍ່ຄວນຮົມຢາພື້ນເມືອງມີຄື :
– ຜູ້ທີ່ເປັນພະຍາດຄວາມດັນເລືອດສູງ.
– ຜູ້ທີ່ເປັນພະຍາດຫົວໃຈ.
– ຜູ້ທີ່ເປັນພະຍາດຊັອກບ້າໝູ ແລະ ພະຍາດຫອບຫືດ.
– ຜູ້ທີ່ກຳລັງເປັນໄຂ້ຂຶ້ນສູງ.
– ຜູ້ທີ່ກຳລັງມີອາການເຈັບຫົວ ຫລື ວິນຫົວແຮງ.
– ຜູ້ທີ່ມີບາດແຜຕາມຮ່າງກາຍ.
- ຂໍ້ປະຕິບັດຂະນະຮົມຢາພື້ນເມືອງປະກອບມີ :
– ອຸນຫະພູມໃນຫ້ອງຮົມທຳອິດຄວນໃຊ້ອຸນຫະພູມຕໍ່າ ແລະ ເພີ່ມຂຶ້ນເລື້ອຍໆ, ອຸນຫະພູມບໍ່ຄວນເກີນ 40 – 42 ອົງສາ, ໃຊ້ ເວລາຮົມທັງໝົດບໍ່ເກີນ 30 – 35 ນາທີ, ແຕ່ທຸກໆ 10 ນາທີຕ້ອງອອກມານັ່ງພັກຜ່ອນ ແລະ ນວດນຳ້ມັນ ແລະ ອື່ນໆ.
– ເມື່ອຮົມໄດ້ໄລຍະເວລາໜຶ່ງຕ້ອງອອກມາຈາກຫ້ອງເພື່ອມານວດນຳ້ມັນ, ຄວນດື່ມນຳ້ອຸຸ່ນ ເພາະຂະນະຮົມຮ່າງກາຍຈະສູນເສຍນຳ້ໄປຫລາຍ.
– ເມື່ອຮົມແລ້ວໃຫ້ນັ່ງພັກຈົນເຫື່ອແຫ້ງ ແລ້ວຈຶ່ງໄປອາບນຳ້ເພື່ອຊຳລະລ້າງເຫື່ອ ແລະ ຂີ້ໄຄທີ່ຮ່າງກາຍໄລ່ອອກມາ ແລະ ເພື່ອຊ່ວຍໃຫ້ເສັ້ນເລືອດຫົດໂຕລົງເປັນປົກກະຕິ.
