ປະຕິຫານມີຈິງ, ບຣິສຕອລ ໂຣເວີ ຖະຫລົ່ມຄູ່ແຂ່ງ 7 ປະຕູນັດສຸດທ້າຍຄວ້າໂຄຕ້າເລື່ອນຊັ້ນພຣີເມຍລີກອັງກິດ

ບໍ່ເຊື່ອກໍຕ້ອງເຊື່ອ ມີເງື່ອນໄຂຍິງຄູ່ແຂ່ງຢ່າງຫນ້ອຍຖະຫລົ່ມທະລາຍ ເພື່ອເລື່ອນຊັ້ນ ສຸດທ້າຍເຮັດໄດ້ແທ້ ຄວ້າໂຄຕ້າເລື່ອນຊັ້ນສູ່ ພຣີເມຍລີກ ອັງກິດ ໄດ້ສຳເລັດ.

ການແຂ່ງຂັນບານເຕະ ລີກ 2 ອັງກິດ ລະດູການ 2021-22 ນັດສຸດທ້າຍ ເມື່ອວັນອາທິດທີ 7 ພຶດສະພາ ຄູ່ທີ່ຫນ້າສົນໃຈເປັນ ບຣິສຕອລ ໂຣເວີ ພາຍໃຕ້ການຄຸມທີມຂອງ ໂຈອີ ບາຕັນ ອະດີດກອງກາງສາຍໂຫດຂອງ ແມນເຊສເຕີ ຊິຕີ ແລະ ນິວຄາສເຊິລ ຢູໄນເຕັດ ເປີດບ້ານຕ້ອນຮັບການມາຢາມຂອງ ສະຄັນທອບ ໂດຍກ່ອນແຂ່ງ ບຣິສຕອລ ໂຣເວີ ມີຄະແນນເທົ່າກັບ ນອດແທມຕັນ ທາວ ທີມອັນດັບ 3 ທີ່ຈະໄດ້ເລື່ອນຊັ້ນໂດຍອັດຕະໂນມັດ ແຕ່ປະຕູໄດ້ເສຍຂອງ ບຣິສຕອລ ເປັນຮອງ ນອດແທັມຕັນ ຢູ່ 5 ປະຕູ.

ຜົນປາກົດວ່າ ມີປະຕິຫານເກີດຂຶ້ນແທ້ ບຣິສຕອລ ໂຣເວີ ຍິງຖະຫລ່ົມເອົາຊະນະ ສະຄັນທອບ ໄປ 7-0 ຂະນະທີ່ ນອດແທມຕັນ ບຸກຊະນະ ບາໂຣ 3-1 ເຮັດໃຫ້ ບຣິສຕອລ ໂຣເວີ ແລະ ນອດແທມຕັນມີ 80 ຄະແນນເທົ່າກັນ ຈາກການລົງຫລິ້ນ 46 ປະຕູໄດ້ເສຍເທົ່າກັນທີ່ +22.

ແຕ່ສຸດທ້າຍເປັນ ບຣິສຕອລ ທີ່ມີປະຕູໄດ້ ຫລາຍກວ່າ ນອດແທມຕັນ (49-38) ເຮັດໃຫ້ ບຣິສຕອລ ໄດ້ອັນດັບ 3 ຂອງຕາຕະລາງ ຄວ້າໂຄຕ້າເລື່ອນຊັ້ນສູ່ ພຣີເມຍລີກໄດ້ສຳເລັດ ສ່ວນ ນອດແທມຕັນ ຕ້ອງໄປຫລິ້ນເພລອອບ ແລະ ນີ້ຖືເປັນຄັ້ງທຳອິດທີ່ ບຣິສຕອລ ໂຣເວີ ຍິງໄດ້ 7 ປະຕູໃນເກມດຽວ ນັບຕັ້ງແຕ່ປີ 1964 ນຳອີກ.