ພືດບາງຊະນິດທີ່ເຮັດໃຫ້ຜິວຂາວຂຶ້ນ

ພືດພື້ນເມືອງບາງຊະນິດມີຄຸນຄ່າໃນເລື່ອງສຸຂະພາບ ທັງຍັງໃຫ້ຜົນດີກັບເລື່ອງຄວາມງາມນຳອີກ ຊ່ວຍເຮັດໃຫ້ສຸຂະພາບຜິວ ໜັງດີຂຶ້ນ, ຜິວຂາວຂຶ້ນຢ່າງເປັນທຳມະຊາດ, ກ້ຽງງາມ, ຊຸ່ມຊື່ນ ເປັນການບຳລຸງຜິວທີ່ປອດໄພ ທັງຍັງປະຢັດເງິນນຳ ເຊິ່ງຄຸນສົມບັດຂອງພືດແຕ່ລະຊະນິດມີດັ່ງນີ້ :

– ໝາກຂາມປຽກ : ມີກົດໝາກໄມ້ (AHA) ຊ່ວຍຜັດແຊນຜິວເກົ່າທີ່ຕາຍແລ້ວໃຫ້ຫລຸດອອກຫລຸດຮອຍດຳຄຳ້ ເຮັດໃຫ້ຜິວກ້ຽງງາມສົດໃສຂຶ້ນ.

– ນຳ້ເຜິ້ງ : ເປັນໂຕກັກເກັບນຳ້ທີ່ໃຫ້ຄວາມຊຸ່ມຊື່ນຢູ່ກັບຜິວ, ຮັກສາຄວາມດຸ່ນດ່ຽງຂອງຜິວ, ຊ່ວຍໃນການເສີມສ້າງແຊນຜິວໜັງໃໝ່ທີ່ກ້ຽງງາມສົດໃສກ່ວາເກົ່າ.

– ຂີ້ໝິ້ນ : ຂັດຂວາງການຜະລິດເມລານິນທີ່ເຮັດໃຫ້ສີຜິວເຂັ້ມຂຶ້ນ.

– ໝາກນາວ : ມີກົດອັລຟາໄຮດຣອກຊີ ຫລື (AHA) ຊ່ວຍຜັດແຊນຜິວເກົ່າ ຊ່ວຍໃຫ້ຜິວອ່ອນນຸ້ມ ແລະ ຂາວຂຶ້ນໄດ້.

– ໝາກແຕງ : ເພີ່ມຄວາມຊຸ່ມຊື່ນ ເຮັດໃຫ້ຜິວຂາວສົດໃສ.

– ຫວ້ານຫາງແຂ້ : ຊ່ວຍລຶບຮອຍແປ້ວ, ຮອຍສິວ, ເມັນ, ຝ້າ, ຈຸດດ່າງດຳໃຫ້ຈາງລົງ.

– ໄມ້ທານາຄາ : ຊ່ວຍເຮັດໃຫ້ຜິວທີ່ໝອງຄຳ້ກັບມາຂາວສົດໃສ, ຫລຸດຮອຍຫ່ຽວ, ຫລຸດຝ້າ, ເມັນ ແລະ ຫລຸດຈຸດດ່າງດຳ.

– ໝາກເລັ່ນ : ມີສານໄລໂຄປີນຊ່ວຍລຶບຈຸດດ່າງດຳ ແລະ ເຮັດໃຫ້ຜິວຂາວອົມບົວ.

– ໝາກຫຸ່ງ : ຊ່ວຍຫລຸດຮອຍຫ່ຽວ, ຈຸດດ່າງດຳ ແລະ ເຮັດໃຫ້ຜິວກ້ຽງງາມສົດໃສຂຶ້ນ.