ເຢຍລະມັນ-ອິນເດຍ ຮ່ວມມືດ້ານສິ່ງແວດລ້ອມ

ຕາມຂ່າວຈາກ ນະຄອນຫລວງ ແບ໋ກແລ໋ງ,ວັນທີ 3 ພຶດສະພາ 2022 ຜ່ານມາ, ໃຫ້ຮູ້ວ່າ: ລັດຖະບານ ເຢຍລະມັນ ແລະ ອິນເດຍ ຕົກລົງເຫັນດີ ຍົກລະດັບ ການຮ່ວມມືຫລາຍດ້ານ ໂດຍສະເພາະ ການຮ່ວມມື ດ້ານສິ່ງແວດລ້ອມ ພາຍຫລັງ ທ່ານ ໂອລາຟ ໂຊລ (Olaf Scholz), ນາຍົກລັດຖະມົນຕີ ເຢຍລະມັນ ໄດ້ພົບປະກັບ ທ່ານ ນາເຣນ ທຣາ ໂມດີ (Narendra Modi), ນາຍົກລັດຖະມົນຕີ ອິນເດຍ ທີ່ນະຄອນຫລວງ ແບ໋ກແລ໋ງ ໂດຍຜູ້ນຳທັງ 2 ປະເທດ ລົງນາມ ຮ່ວມມືກັນ ໃນຂໍ້ຕົກລົງ ຫລາຍສະບັບ ມີເນື້ອຫາ ສຳຄັນ ໂດຍສຸມໃສ່ ການພັດທະນາ ແບບຍືນຍົງ ໃນຫລາຍດ້ານ ໜຶ່ງໃນນັ້ນ ລວມທັງ ລັດຖະບານ ເຢຍລະມັນ ມອບເງິນ ສະໜັບ ສະໜູນ ທາງການເງິນ ໃຫ້ແກ່ ລັດຖະບານ ອິນເດຍ ເພີ່ມອີກ 10 ຕື້ເອີໂຣ ພາຍໃນປີ 2030 ເພື່ອຫັນເປັນ ພະລັງງານ ສະອາດ. ນອກຈາກນີ້ ລັດຖະບານ ເຢຍລະມັນ ຢືນຢັນ ການເຊີນ ອິນເດຍ,ອິນໂດເນເຊຍ,ເຊເນການ ແລະ ອາຟຣິກາໃຕ້ ເປັນແຂກ ຮັບເຊີນ ພິເສດ ຮ່ວມກອງປະຊຸມ ກຸ່ມ7ປະເທດ ອຸດສາຫະກຳ ສູງສຸດ (G7) ທີ່ເຢຍລະມັນ ເປັນປະທານ ປະຈຳປີນີ້.