ເປີດເຜີຍຈຳນວນແຊ໊ມຕະຫລອດອາຊີບ ຣອນນີ ຫລັງຫາກໍຄວ້າແຊ໊ມໂລກສະໄຫມທີ 7
ສ່ອງແຊ໊ມລາຍການສຳຄັນຂອງຊີວິດ ຣອນນີ ໂອຊຸລລີແວນ ຫລັງຫາກໍຂຶ້ນເບີ 1 ຂອງວົງການຈາກການຄວ້າແຊ໊ມໂລກສະໄຫມທີ 7.
ພາຍຫລັງທີ່ເມື່ອຄຳ່ຄືນວັນທີ 3 ທີ່ຜ່ານມາ ຣອນນີ ໂອຊຸລລີແວນ ອະດີດແຊ໊ມສະນຸກເກີໂລກ 6 ສະໄຫມ ປະກາດສັກດາຄວ້າແຊ໊ມໂລກສະໄຫມທີ 7 ໄດ້ສຳເລັດ ຫລັງເອົາຊະນະ ຈັດ ທຣຳ ມື 4 ຂອງລາຍການໄປໄດ້ດ້ວຍຄະແນນ 18-13 ເຟຣມ.
ໂດຍນອກຈາກຈະເປັນແຊ໊ມໂລກສະໄຫມທີ 7 ແລ້ວນັ້ນ ຍັງເປັນແຊ໊ມລາຍການເກັບຄະແນນສະສົມຄັ້ງທີ 39 ໃນອາຊີບການຫລິ້ນຂອງລາວນຳອີກ ແລະ ຫາກນັບທຸກລາຍການ ທັງເກັບຄະແນນສະສົມ ແລະ ບໍ່ເກັບຄະແນນສະສົມ ນີ້ຈະເປັນແຊ໊ມລາຍການທີ 77 ຂອງລາວນຳອີກ.
ຫາກນັບສະເພາະລາຍການເກັບຄະແນນສະສົມ 39 ລາຍການ ຈະແບ່ງເປັນແຊ໊ມໂລກ 7 ສະໄຫມ ແຊ໊ມ ຢູເຄ ແຊ໊ມປຽນຊິບ 7 ສະໄຫມ ແລະ ລາຍການນ້ອຍໆອີກ 25 ລາຍການ ເຊິ່ງຂັນແຊ໊ມໂລກ ແລະ ແຊ໊ມຢູເຄ ຣອນນີ ເຂົ້າຊີງທັງ 2 ລາຍການ 8 ຄັ້ງເທົ່າກັນ ແລະ ຊະນະ 7 ເສຍ 1 ທັງ 2 ຂັນ.
ເຊິ່ງເກມທີ່ເສຍຂອງ 2 ຂັນ, ເສຍໃຫ້ຄູ່ກັບຢ່າງ ມາກ ເຊລບີ ແຊ໊ມໂລກ 4 ສະໄຫມ ໂດຍໃນຊີງແຊ໊ມໂລກ ເສຍເມື່ອປີ 2014 ໄປດ້ວຍຄະແນນ 14-18 ສ່ວນ ໃນຢູເຄ ແຊ໊ມປຽນຊິບ ເສຍໄປເມື່ອປີ 2016 ດ້ວຍຄະແນນ 7-10 ເຟຣມ ນອກຈາກນີ້ ຍັງມີອີກ 1 ລາຍການໃນທຣິບເປິນຄຣາວ ຢ່າງ ເດິ ມາສເຕີ ເຂົ້າຊີງທັງຫມົດ 13 ຄັ້ງ ຊະນະ 7 ເສຍ 6.
