ປກສ ​ເມືອງ​ສີ​ສັດຕະ​ນາກສາມາດຈັບ​ຜູ້​ຕ້ອງ​ຫາປຸ້ນ​ຈີ້-ຊີງ​ຊັບຕົວ​ອັນຕະລາຍ​ມາ​ດຳ​ເນີນ​ຄະດີ

ວັນ​ທີ 9 ສິງຫານີ້, ປກສ ​ເມືອງສີ​ສັດຕະ​ນາກນະຄອນຫລວງ​ວຽງຈັນ, ​ໄດ້​ນຳ​ກຳລັງ​ເຂົ້າ​ຈັບ​ກຸມທ້າວ ​ແໜ່ງ ອາຍຸ 31 ປີ ​ແລະ ທ້າວ ສີ​ອຸ້ຍ ອາຍຸ 30 ປີ ຢູ່​ບ້ານທົ່ງ​ພານ​ທອງ​ ເມືອງສີ​ສັດຕະ​ນາກນະຄອນຫລວງ​ວຽງຈັນ, ພ້ອມ​ຂອງ​ກາງ​ອາວຸດ​ປືນ​ສັ້ນ 1 ກະບອກ ​ແລະ ລົດຈັກ​ຮອນ​ດາ​ເວ​ບ 2 ຄັນ.

​ເຈົ້າໜ້າທີ່ໃຫ້​ຮູ້​ວ່າ: ໃນຜ່ານມາ, ຜູ້​ຕ້ອງ​ຫາ​ທັງ​ສອງ​ໄດ້ເຄື່ອນໄຫວ​ກໍ່​ເຫດປຸ້ນ​ຈີ້-ຊີງ​ຊັບ​ຂອງ​ປະຊາຊົນ ຢູ່​ເຂດນະຄອນຫລວງ​ວຽງຈັນມາ​ແລ້ວ​ຫລາຍ​ຄັ້ງ ຄື: ​ໃນ​ເດືອນກໍລະກົດ​ຜ່ານ​ມາ, ພວກ​ກ່ຽວ​ໄດ້​ຮ່ວມ​ກັນ​ກໍ່​ເຫດ​ດຶງ​ກະ​ເປົາ​ຂອງ​ປະຊາຊົນທີ່​ກຳລັງ​ຂີ່​ລົດຈັກຢູ່​ເຂດ​ເສັ້ນທາງຕັດ​ໃໝ່​ໂພນ​ສີນ​ວນຕໍ່ໜ້າສະຖານກົງສູນ​ປະ​ເທດ​ໄທ ​ແລະ ລາກ​ແກ່ຍາວ​ໄປ​ຫລາຍ​ແມັດ​ເຮັດ​ໃຫ້​ຜູ້​ຂັບ​ລົດ​ໄດ້​ຮັບ​ບາດ​ເຈັບ ແລະ ຫລາຍກໍລະນີອື່ນໆອີກ, ກ່ອນ​ຈະ​ມາ​ຖືກ​ເຈົ້າໜ້າທີ່​ຈັບ​ຕົວ​ດຳ​ເນີນ​ຄະດີ.