ຣຽວ ມາດຣິດ ກຽມແຜນດຶງ ໂຣນັລໂດ ກັບຖິ່ນເບນາເບລ

ສຳນັກຂ່າວ ມິຣເຣີ ລາຍງານວ່າ ຣຽວ ມາດຣິດ ທີມໃຫຍ່ແຫ່ງ ລາ ລີກາ ສະເປນ ມີຄວາມຕ້ອງການທີ່ຈະຄວ້າ ຄຣິສຕຽນໂນ ໂຣນັລໂດ ກອງຫນ້າຕົວເກ່ັງຊາວໂປຣຕຸເກສ ກັບມາເປັນສະມາຊິກຂອງຖິ່ນຊານຕີອາໂກ ເບນາເບລ ອີກເທື່ອຫນຶ່ງ.

ດາວຍິງອາຍຸ 37 ປີ ຍ້າຍຈາກ ຢູເວນຕຸສ ກັບມາຢູ່ກັບ ແມນຢູ ທີມເກ່ົາໃນພຣີເມຍລີກ ອັງກິດ ໃນລະດູການນີ້ ແລະ ເຖິງວ່າຜົນງານຂອງທີມອາດບໍ່ຄ່ອຍດີ ແຕ່ລາວກໍຍັງຍິງໄປແລ້ວ 23 ປະຕູ ກັບ 3 ແອສຊິສ ໃນລະດູການນີ້.

ຫລ້າສຸດເຮັດໃຫ້ມີການເປີດເຜີຍວ່າ ຣຽວ ມາດຣິດ ຍັງຄົງເບິ່ງເຫັນໃນສັກກະຍາພາບຂອງດາວຍິງຄົນນີ້ ແລະ ຢາກທີ່ຈະດຶງລາວກັບໄປຫລິ້ນໃຫ້ກັບທີມອີກເທື່ອຫນຶ່ງ ເນື່ອງຈາກ ໂຣນັລໂດ ຍັງຄົງສາມາດເປັນເຄື່ອງຈັກຖະຫລົ່ມປະຕູໃນ ລາ ລີກາ ໄດ້.

ຂະນະທີ່ສຳນັກຂ່າວ ເດິຊັນ ລາຍງານວ່າ ແມນເຊສເຕີ ຢູໄນເຕັດ ກຽມວາງງົບປະມານຈຳນວນຫລາຍທີ່ຈະຄວ້າ ເຈມ ວອດ ພຣາວ ກອງກາງຂອງເຊົາແທມຕັນ ມາເສີມທີມໃຫ້ກັບທີມລະດູການຫນ້າ ໃນຍຸກຂອງຜູ້ຈັດການໃຫມ່ຂອງ ເອຣິກ ເທນ ຮາກ.

ທັງນີ້ມີການເປີດເຜີຍວ່າແມນຢູ ອາດຈະຕ້ອງລົງທຶນມະຫາສານເຖິງ 75 ປອນ ເພື່ອທີ່ຈະແລກກັບການຄວ້າ ວອດ ພຣາວ ມາຈາກເຊົາແທມຕັນ.