ນໍຣິສ ຊິຕີ ເສຍໃຫ້ ແອສຕັນ ວິລລາ ຕົກຊັ້ນສູ່ແຊ໊ມປຽນຊິບທີມທຳອິດ

ນໍຣິສ ຊິຕີ ກາຍເປັນທີມທີ່ຕົກຊັ້ນເປັນທີມທຳອິດຂອງພຣີເມຍລີກ ລະດູການນີ້ ຫລັງເສຍໃຫ້ ແອສຕັນ ວິລລາ 0-2 ຂະນະທີ່ ເບີນລີ ພິກຊະນະ ວັດຟອດ ໂອກາດຢູ່ລອດສູງ.

ການແຂ່ງຂັນບານເຕະພຣີເມຍລີກ ອັງກິດ ລະດູການ 2021-22 ເມື່ອວັນທີ 30 ເມສາ ຄູ່ທີ່ຫນ້າສົນໃຈ ແອສຕັນ ວິລລາ ເປີດສະຫນາມ ວິລລາ ປາກ ຕ້ອນຮັບການມາຢາມຂອງ ນໍຣິສ ຊິຕີ.

ຜົນປາກົດວ່າ ນໍຣິສ ເສຍໄປ 0-2 ຈາກປະຕູຂອງ ໂອລີ ວັດກິນ ນາທີ 41 ແລະ ແດນນີ ອິງ ນາທີ 90+3 ຂະນະທີ່ອີກຄູ່ຫນຶ່ງ ເຊິ່ງມີຜົນຕໍ່ການຫນີຕົກຊັ້ນ ຫລັງເປັນການພົບກັນຂອງ 2 ທີມທ້າຍຕາຕະລາງ ເບີນລີ ແຊງຊະນະ ວັດຟອດ 2-1.

ຈາກຜົນທີ່ເກີດຂຶ້ນເຮັດໃຫ້ ນໍຣິສ ຢຸດຢູ່ທີ 21 ຄະແນນຈາກ 34 ນັດຢູ່ອັນດັບ 20 ຕາຕະລາງ ຕາມຫລັງ ລີດ ຢູໄນເຕັດ ອັນດັບ 17 ຢູ່ 13 ຄະແນນ ແຕ່ເຫລືອການແຂ່ງຂັນອີກພຽງ 4 ນັດ ຕົກຊັ້ນສູ່ລີກແຊ໊ມປຽນຊິບ ເປັນທີມທຳອິດໃນລະດູການນີ້ທາງການ.

ສ່ວນ ວັດຟອດ ມີໂອກາດຕົກຊັ້ນສູງແບບນີ້ ເນື່ອງຈາກມີ 22 ຄະແນນຈາກ 34 ນັດຢູ່ອັນດັບ 19 ຕາຕະລາງ ຫລັງ ລີດ ຢູໄນເຕັດ 12 ຄະແນນ ຂະນະທີ່ເຫລືອການແຂ່ງຂັນອີກ 4 ນັດ ແຕ່ປະຕູໄດ້ເສຍເປັນຮອງເຖິງ 7 ປະຕູ.