ນາດາລ ຜ່ານເຂົ້າຮອບ 16 ຄົນສຸດທ້າຍເຕັນນິສ ໄມອາມີ ໂອເພນ

ການແຂ່ງຂັນເຕັນນິສ ເອທີ ພີທົວ ແລະ ດັບເບິລຢູທີເອທົວ ລາຍການ ໄມອາມີ ໂອເພນ ທີ່ ເມືອງໄມອາມີ ລັດຟໍຣິດາ ສະຫະ ລັດ ອາເມຣິກາ ປະເພດຊາຍດ່ຽວ ຮອບ 32 ຄົນ ຣາຟາເອລ ນາ ດາລ ມືວາງອັນດັບ 5 ຂອງ ລາຍການ ພິກສະຖານະການ ຈາກທີ່ເສຍໄປກ່ອນໃນເຊັດທຳ ອິດແຊງກັບມາຊະນະ ຟິລິບ ໂຄລ ໄຣເບີ ມືວາງອັນດັບ 26 ຂອງ ລາຍການຈາກ ເຢຍລະມັນ 2-1 ເຊັດ 0-6, 6-2, 6-3. ຜ່ານເຂົ້າ ຮອບ 16 ຄົນສຸດທ້າຍໄປພົບກັບ  ນິໂກລາສ ມາອູດ ຈາກ ຝຣັ່ງ ທີ່ ເອົາຊະນະ ກີໂດ ເປຢາ ຈາກ ອາ ເຈນຕິນາ 2-0 ເຊັດ 6-4, 6-3.

ດ້ານ ນິຊິໂກຣິ ມືວາງອັນ ດັບ 2 ຂອງລາຍການຈາກ ຢິ່ປຸ່ນ ເອົາຊະນະ ເຟີນານໂດ ເບດາສໂກ ມືວາງອັນດັບ 25 ຂອງລາຍ ການ 2-1 ເຊັດ 7-6, 6-7, 6-1. ເຂົ້າຮອບ 16 ຄົນສຸດທ້າຍໄປພົບ ກັບ ເຟເດຣິໂກ ເດລໂບນິສ ຈາກ ອາເຈຕິນາ ທີ່ເອົາຊະນະ ແຍນ ເລນນາດ ສະຕຣຸຟ ຈາກ ເຢຍລະ ມັນ 2-0 ເຊັດ 7-6,6-1. ຂະນະ ທີ່ ມິລອສ ຣາໂອນິກ ມືວາງອັນ ດັບ 3 ຈາກ ແຄນາດາ ຕົກຮອບ ໄປຢ່າງໜ້າເສຍດາຍ ຫລັງຖອນ ໂຕຈາກເກມທີ່ຈະພົບກັບ ຈາເຣດ ໂດນັລສັນ ຈາກ ສະຫະລັດ ເນື່ອງ ຈາກອາການບາດເຈັບກ້າມເນື້ອຕົ້ນຂາດ້ານຫລັງຂ້າງຂວາ ເຊິ່ງ ກ່ອນໜ້ານີ້ລາວເອງເຄີຍເຈັບ ບ່ອນດຽວກັນຈົນຕ້ອງພັກຍາວ ໂດຍ ໂດນັລສັນ ຈະພົບກັບ ແຈັກ ຊ໊ອກ ໝູ່ຮ່ວມຊາດ ມືວາງອັນດັບ 13 ຂອງລາຍການທີ່ເອົາຊະນະ ຍິຣີ ເວເຊລີ ຈາກ ສ.ເຊັກ 2-0 ເຊັດ 6-3, 7-6. ໃນຮອບ 16 ຄົນສຸດທ້າຍຕໍ່ໄປ.