ລາວ ສົ່ງນັກມວຍ 7 ຮຸ່ນ ຮ່ວມຊີງໄຊໃນຊີເກມຄັ້ງທີ 31

ນັກມວຍລາວຊຸດຊີເກມ ຄັ້ງທີ 31 ໄດ້ເຂົ້າສູນຝືກຊ້ອມແຕ່ທ້າຍເດືອນທັນວາ 2021 ຜ່ານມາ ແລະ ໃນຊີເກມທີ່ ສສ ຫວຽດນາມ ເປັນເຈົ້າພາບ ໂດຍລາວຈະສົ່ງເຂົ້າຮ່ວມແຂ່ງຂັນ 7 ຮຸ່ນ ປະກອບມີ 1 ທ້າວ ນ້ອຍ ຮັກສາເມືອງ ຮຸ່ນ 63,05 ກິໂລກຣາມ, 2 ທ້າວ ໄກ່ ເກດນຸວົງ ຮຸ່ນ 57 ກິໂລກຣາມ, 3 ທ້າວ ສຸລິກອນ ມິ່ງບຸຜາ ຮຸ່ນ 54 ກິໂລກຣາມ, 4 ທ້າວ ອານັນຕະສັກ ສຸລິຍະວົງ ຮຸ່ນ 60 ກິໂລກຣາມ, 5 ນາງ ປານີ ສຸກກະເສີມ ຮຸ່ນ 48 ກິໂລກຣາມ, 6 ນາງ ວິລັດດາ ບຸບຜາວັນ ຮຸ່ນ 63,5 ກິໂລກຣາມ ແລະ 7 ນາງ ລູ້ ສຸກຂະເສີມ ຮຸນ 54 ກິໂລກຣາມ.
ສຳລັບຜົນງານໃນຊີເກມຄັ້ງຜ່ານມາຢູ່ປະເທດ ຟິລິບປິນປີ 2019, ນັກມວຍລາວ ໄດ້ 1 ຫລຽນເງິນຈາກ ສຸລະໄຊ ສິງສະຫວັດ ຮຸ່ນ 45 ກິໂລກຣາມ ແລະ 2 ຫລຽນທອງຈາກ ໄກ່ ເກດນຸວົງ ຮຸ່ນ 57 ກິໂລ ກຣາມ ແລະ ນາງ ພຸດທະສອນ ແກ້ວໄລຍະວົງ ຮຸ່ນ 45 ກິໂລກຣາມ. ນັກກິລາມວຍລາວ ພ້ອມດ້ວຍຄະ ນະຈະອອກເດີນທາງໄປ ສສ ຫວດນາມ ໃນວັນທີ 13 ພຶດສະພາ 2022.