ຕຳຫລວດແມນເຊັສເຕີຂະຫຍາຍ ເວລາປະກັນຕົວ “ກຣີນວູດ”
ກອງໜ້າໄວ 20 ປີ ຍັງຄົງໄດ້ຮັບການປະກັນຕົວຢູ່ ຫຼັງຈາກຕໍາຫຼວດເມືອງແມນເຊັສເຕີ ປະກາດຂະຫຍາຍເວລາການປະກັນຕົວ
ຕຳຫຼວດຂອງ ເມືອງແມນເຊັສເຕີ ຖະແຫລງຂະຫຍາຍເວລາໃນການປະກັນຕົວ ເມສັນ ກຣີນວູດ ກອງໜ້າຂອງ ແມນເຊັສເຕີ ຢູໄນເຕັດ ຫຼັງຕົກເປັນຜູ້ຕ້ອງສົງໃສຄະດີຂົ່ມຂືນ ແລະ ທຳຮ້າຍນຮ່າງກາຍ
ກ່ອນໜ້ານີ້ ກຣີນວູດ ຖືກຈັບໃນວັນທີ 30 ມັງກອນ ໃນຂໍ້ຫາຂົ່ມຂືນ ແລະ ທຳຮ້າຍຮ່າງກາຍແຟນສາວ ກ່ອນທີ່ຈະໄດ້ຮັບການປະກັນຕົວໃນເວລາຕໍ່ມາ, ໄລຍະເວລາການປະກັນຕົວຂອງ ກຣີນວູດ ໃນເບື້ອງຕົ້ນຈະຫມົດລົງໃນວັນທີ 30 ເດືອນເມສາ, ກ່ອນທີ່ຈະມີການປະກາດການຂະຫຍາຍເວລາອອກໄປ ເຊີ່ງຄາດວ່າການພິຈາລະນາຄະດີຈະບໍ່ເກີດຂຶ້ນຈົນກວ່າຈະໄປຮອດກາງເດືອນມິຖຸນາ.
“ພວກເຮົາຍັງສືບສວນບົດລາຍງານທີ່ຖືກສົ່ງມາຫາພວກເຮົາໃນວັນອາທິດທີ 30 ມັງກອນ ເປັນຮູບພາບ ແລະ ວິດີໂອທີ່ຖືກເຜີຍແຜ່ໃນສື່ສັງຄົມໂດຍຍິງສາວທີ່ລາຍງານວ່າຖືກທໍາຮ້າຍຮ່າງກາຍ” ຕໍາຫຼວດກ່າວໃນຖະແຫຼງການ
“ຊາຍອາຍຸ 20 ປີຄົນໜຶ່ງໄດ້ຖືກຈັບກຸມໃນຂໍ້ຫາຂົ່ມຂືນ, ທຳຮ້າຍຍິງສາວຄົນໜຶ່ງ ແລະ ຂູ່ຂ້າ. ຍັງໄດ້ຮັບການປະກັນຕົວຢູ່.”
“ຄຳຮ້ອງຟ້ອງໄດ້ຖືກຍື່ນຕໍ່ສານເພື່ອຕໍ່ເວລາໃຫ້ປະກັນຕົວຕື່ມອີກນັບແຕ່ວັນທີ 30 ເມສາ, ແຕ່ການພິຈາລະນາຄະດີຄາດວ່າຈະບໍ່ຮອດກາງເດືອນມິຖຸນາ. ຜູ້ຕ້ອງສົງໄສຍັງຢູ່ໃນການປະກັນຕົວຈົນຮອດມື້ດຳເນີນຄະດີ.”
