ຈອນ ຮອບກິນ ເຕືອນຢ່າປະໝາດ “ໂອມິຄຣອນ” ຮຸນແຮງເທົ່າ “ເດວຕາ” ໃນກຸ່ມຜູ້ຕິດເຊື້ອທີ່ຕ້ອງເຂົ້າໂຮງໝໍ

ມະຫາວິທະຍາໄລຈອນ ຮອບກິນ ເປີດຜົນການສຶກສາຫລ້າສຸດ ເຕືອນຢ່າປະໝາດໂອມິຄຣອນ ຮຸນແຮງເທົ່າເດວຕາ ໃນກຸ່ມຜູ້ຕິດເຊື້ອທີ່ຕ້ອງເຂົ້າປິ່ນປົວໃນໂຮງໝໍ.

ວັນທີ 28 ເມສາ 2022, ສຳນັກຂ່າວຊິນຮົວລາຍງານວ່າ: ມະຫາວິທະຍາໄລຈອນ ຮອບກິນ ໄດ້ເປີດເຜີຍຜົນການສຶກສາທີ່ດຳເນີນການເມື່ອບໍ່ດົນມານີ້ ເຕືອນຄົນບໍ່ຄວນປະໝາດຕໍ່ເຊື້ອໄວຣັສໂຄວິດ-19 ສາຍພັນໂອມິຄຣອນ ເນື່ອງຈາກຄົນເຈັບໃນໂຮງໝໍທີ່ຕິດເຊື້ອໄວຣັສໂຄໂຣນາ ສາຍພັນດັ່ງກ່າວ ຕ້ອງການການຊ່ວຍເຫລືອດ້ານລະບົບທາງເດີນຫາຍໃຈ ແລະ ການເບິ່ງແຍງເຂັ້ມງວດໃນລະບັບດຽວກັບສາຍພັນເດວຕາ.

ການສຶກສາດັ່ງກ່າວໄດ້ຍົກຂຶ້ນມາອ້າງອີງໃນບົດຄວາມຂອງຢູເຣກາເລິດ (EurekAlert) ເຊິ່ງເປັນແພກຟອມຂ່າວຂອງສະມາຄົມເພື່ອຄວາມກ້າວໜ້າທາງວິທະຍາສາດອາເມລິກາ (AAAS) ໂດຍລະບຸວ່າ: ກຸ່ມຄົນເຈັບໃນໂຮງໝໍທີ່ຕິດເຊື້ອໄວຣັສໂຄໂຣນາ ສາຍພັນໂອມິຄຣອນ 67,6% ຕ້ອງການອົກຊີເສີມ ແລະ 17,6% ຖືກສົ່ງຕົວເຂົ້າຫໍຜູ້ປ່ວຍໜັກ, ສ່ວນຕົວເລກນີ້ຂອງສາຍພັນເດວຕາມີ 73% ແລະ 25,4% ຕາມລຳດັບ.

ທັງນີ້, ການສຶກສາເບື້ອງຕົ້ນເກັບຮວບຮວມຕົວຢ່າງຈາກຜູ້ຕິດເຊື້ອໂຄວິດ-19 ຫລາຍກວ່າ 2.000 ຄົນ ແລະ ຍັງພົບວ່າຜູ້ຕິດເຊື້ອໄວຣັສໂຄໂຣນາ ສາຍພັນໂອມິຄຣອນ ມີທ່າອ່ຽງຕ້ອງເຂົ້າປິ່ນປົວໃນໂຮງໝໍໜ້ອຍກວ່າສາຍພັນເດວຕາ.

ເຖິງຢ່າງໃດກໍດີ, ຮີບາ ມອສຕາຟາ ນັກວິໄຈອາວຸໂສ ແລະ ຜູ້ຊ່ວຍສາສະດາຈານດ້ານພະຍາດວິທະຍາ ຈາກຄະນະແພດສາດຂອງມະຫາວິທະຍາໄລຈອນ ຮອບກິນ ເປີດເຜີຍວ່າ: ຜູ້ຕິດເຊື້ອໄວຣັສໂຄໂຣນາ ສາຍພັນໂອມິຄຣອນ ທີ່ຕ້ອງເຂົ້າປິ່ນປົວໃນໂຮງໝໍ ສ່ຽງປ່ວຍຮຸນແຮງທຽບເທົ່າຜູ້ທີ່ເຂົ້າປິ່ນປົວໃນໂຮງໝໍຈາກສາຍພັນເດວຕາ.

ອ້າງອີງ:

https://www.xinhuathai.com/high/279618_20220428