ປະຊາຊົນຊ່ວຍຈັບຕົວຜູ້ກໍ່ເຫດຊີງຊັບຊັບໄດ້ໃນເຫດການ

ເຈົ້າໜ້າທີ່ ປກສ ນະຄອນຫລວງວຽງຈັນໃຫ້ຮູ້ວ່າ: ວັນທີ 24 ເມສາ 2022, ພົນລະເມືອງດີ ຈັບຕົວຜູ້ກໍ່ເຫດຊີງຊັບດຶງໂທລະສັບ ຂອງພົນລະເມືອງ ຢູ່ໜ້າຮ້ານມິນິມາກ ເຂດບ້ານສີວິໄລ ເມືອງໄຊທານີ ນະຄອນຫຼວງວຽງຈັນ ຈໍານວນ 3 ຄົນ

ຜ່ານການສອບສວນ ຂອງ ປກສ ນວ ເບື້ອງຕົ້ນຮູ້ວ່າ: ຜູ້ກໍ່ເຫດຊື່ ທ້າວ ອາພິສິດ ຢູ່ບ້ານໂນສະອາດ ເມືອງໄຊທານີ, ທ້າວ ອາລິຍະ ຢູ່ບ້ານຮ່ອງແຊງ ເມືອງຈັນທະບູລີ ແລະ ທ້າວ ອະພິສິດໄຊ ອາຍຸ 19 ປີຢູ່ບ້ານຮ່ອງໄກ່ແກ້ວ ເມືອງຈັນທະບູລີ ທັງສາມຮັບສາລະພາບວ່າ: ໄດ້ລົງມືກໍ່ເຫດຍາດຊີງຊັບແທ້; ເຊິ່ງໃນມື້ກໍ່ເຫດ ໄດ້ນັດກັນໃຫ້ທ້າວ ອະພິສິດ ເປັນຄົນຂັບຂີ່ລົດຈັກເລາະຂອງເຂດ ນວ ເພື່ອຊອກຫາເປົ້າໝາຍ ພໍຮອດເຂດໜ້າຮ້ານ ມິນິມາກ ບ້ານສີວິໄລ ພົບເຫັນເປົ້າໝາຍເປັນເພດຍິງ ຈິ່ງໄດ້ລົງມືກໍ່ເຫດຍາດຊີງເອົາໂທລະສັບ ຈິ່ງຖືກປະຊາຊົນຢູ່ເຂດໃກ້ຄຽງຈັບຕົວ, ສ່ວນໝູ່ອີກ 2 ຄົນແມ່ນລໍຖ້າຢູ່ເຮືອນພັກແຫ່ງໜຶ່ງເຂດ ເມືອງໄຊເສດຖາ ນວ, ຈາກນັ້ນເຈົ້າໜ້າທີ່ຈິ່ງສືບຕໍ່ກັກຕົວ.

ປັດຈຸບັນ ສນ 1191 ສະພັງເມິກ ໄດ້ນໍາສົ່ງພວກກ່ຽວທັງ 3 ພ້ອມຂອງກາງລົດຈັກເວບ 100 ໜຶ່ງຄັນ ໃຫ້ກອງບັນຊາກນ ປກສ ເມືອງໄຊທານີ ສືບຕໍ່ດໍາເນີນຄະດີຕາມຂັ້ນຕອນຂອງກົດໝາຍ.

ຕໍ່ກັບເຫດການດັ່ງກ່າວທີ່ເກີດຂຶ້ນ ກອງບັນຊາການ ປກສ ນວ ຮຽກຮ້ອງມາຍັງທຸກຄົນໃນສັງຄົມ ໃຫ້ມີສະຕິຮັກສາຊັບສິນຂອງຕົນເອງ ເພື່ອບໍ່ໃຫ້ຕົກເປັນເຫຍື່ອຂອງກຸ່ມຄົນບໍ່ດີ.