ແມນເຊສເຕີ ຢູໄນເຕັດ ກຽມສົ່ງສອງນັກເຕະແລກຕົວກອງກາງບາເຊໂລນາ

ຟີຊາເຄສ ສື່ໃນສະເປນ ລາຍງານວ່າ : ແມນເຊສເຕີ ຢູໄນເຕັດ ກຽມສົ່ງສອງນັກເຕະຢ່າງ ມາຄັສ ແຣສຟອດ ແລະ ອາເລັກ ເຕລເລສ ເພື່ອແລກກັບນັກເຕະຂອງບາເຊໂລນາ.

ໂດຍກອງກາງລາຍນີ້ ເຄີຍຮ່ວມງານກັບຜູ້ຈັດການໃຫມ່ຂອງແມນຢູຢ່າງ ເອຣິກ ເທນ ຮາກ ທີ່ຈະມາເລີ່ມວຽກໃນໂອນ ແທຣ໊ຟຟອດ ໃນລະດູການຫນ້າ ເຮັດໃຫ້ທີມຕ້ອງການຈະຄວ້າຕົວ ເດິ ຢອງ ກັບມາຮ່ວມງານກັບ ເທນ ຮາກ ອີກເທື່ອຫນຶ່ງ.

ທັງນີ້ ລາຍງານລະບຸວ່າ : ແມນເຊສເຕີ ຢູໄນເຕັດ ກຽມໃຊ້ 2 ນັກເຕະຂອງທີມ ເພື່ອການເຈລະຈາກັບບາເຊໂລນາ ໂດຍພ້ອມສົ່ງກອງຫນ້າຢ່າງ ມາຄັສ ແຣສຟອດ ກັບ ອາເລັກ ເຕລເລສ ກອງຫລັງຂອງທີມ ເພື່ອແລກຕົວກັບ ເດິ ຢອງ.