ອັດຕາເງິນເຟີ້ ສິງກະໂປ ເດືອນມີນາເພີ່ມຂຶ້ນ 5,4% ສູງທີ່ສຸດໃນຮອບ 10 ປີ
ຂ່າວສານ CRI ລາຍງານ ເມື່ອວັນທີ 25 ເມສາ 2022 ທີ່ຜ່ານມານີ້ວ່າ: ອົງການຄຸ້ມຄອງການເງິນ ແລະ ກະຊວງອຸດສາຫະກຳການຄ້າສິງກະໂປໄດ້ຮ່ວມກັນອອກແຈ້ງການ ເນື່ອງຈາກລາຄາອາຫານແລະ ການບໍລິການປັບຕົວສູງຂຶ້ນ, ອັດຕາໄພເງິນເຟີ້ຕົ້ນຕໍຂອງສິງກະໂປໃນເດືອນມີນາປີ 2022 ນີ້ໄດ້ເພີ່ມຂຶ້ນຈາກ 2,2% ໃນເດືອນກຸມພາເປັນ 2,9%, ອັດຕາໄພເງິນເຟີ້ໂດຍລວມໄດ້ເພີ່ມຂຶ້ນຈາກ 4,3% ໃນເດືອນມີນາເປັນ 5,4% ຊຶ່ງແມ່ນສະຖິຕິສູງທີ່ສຸດອີກຄັ້ງໃໝ່ໃນເກືອບ 10 ປີທີ່ຜ່ານມາ.
ໂດຍໄດ້ຮັບຜົນກະທົບຈາກລາຄາສິນຄ້າທີ່ຊື້ຂາຍກັນເປັນຈຳນວນຫຼວງຫຼາຍໃນທົ່ວໂລກສູງຂຶ້ນ, ສະຖານະການໂລກໃນປັດຈຸບັນບວກກັບມີສະພາບພະຍາດໂຄວິດ-19 ໄດ້ເຮັດໃຫ້ຕ່ອງ ໂສ້ການສະໜອງຖືກຂັດຂວາງ, ຄວາມກົດດັນຈາກພາຍນອກທີ່ມີຕໍ່ໄພເງິນເຟີ້ໄດ້ເພີ່ມຂຶ້ນ, ອັດຕາໄພເງິນເຟີ້ຂອງສິງກະໂປໃນເດືອນມີນາໄດ້ລື່ນກາຍການຄາດຄະເນກ່ອນໜ້ານີ້.
ພາຍໃນໄລຍະສັ້ນ, ຄວາມສ່ຽງດ້ານພູມສາດການເມືອງໄດ້ເພີ່ມຂຶ້ນ ແລະ ການສະໜອງທີ່ຝືດເຄືອງຈະສືບຕໍ່ສົ່ງຜົນໃຫ້ລາຄານ້ຳມັນດິບເພີ່ມຂຶ້ນ. ການສະໜອງກັບຄວາມຕ້ອງການຂອງຕະຫຼາດສິນຄ້າທີ່ຊື້ຂາຍເປັນຈຳນວນຫຼວງຫຼາຍອື່ນໆບໍ່ສົມດຸນກັນ, ນອກຈາກນີ້ບັນຫາອຸດຕັນລະຫວ່າງການຂົນສົ່ງໃນທົ່ວໂລກ ແລະ ຕ່ອງໂສ້ການສະໜອງໃນພາກພື້ນກໍອາດຈະສືບຕໍ່ຄົງຕົວຢູ່ຄືເກົ່າ.
