ສ.ອາເມລິກາ ເລັ່ງຄວບຄຸມໄຟປ່າໄໝ້ເຮືອນປະຊາຊົນ 200 ກວ່າຫລັງ
April 25, 2022 - 2:36 PM
ຕາມການລາຍງານຂ່າວຈາກ ສ.ອາເມລິກາ ໃຫ້ຮູ້ວ່າ: ວັນທີ 24 ເມສາ 2022 ສ.ອາເມລິກາ ເລັ່ງຄວບຄຸມໄຟປ່າທີ່ລາມໄໝ້ເຮືອນ ປະຊາຊົນ 200 ກວ່າຫລັງ ເນື່ອງຈາກ ມີລົມພັດແຮງ 121 ກິໂລແມັດ ຕໍ່ຊົ່ວໂມງ ບໍລິເວນທາງພາກເໜືອ ຂອງລັດ ນີວເມັກຊິໂກ ເຮັດໃຫ້ປະຊາຊົນ ຫລາຍພັນຄົນ ຕ້ອງຍົກຍ້າຍ ອອກຈາກເຮືອນ ເທິງພູ ໄປຢູ່ສະຖານທີ່ ປອດໄພແລ້ວ ຫລັງຈາກເຂດນີ້ ເກີດໄພແຫ້ງແລ້ງ ເປັນເວລາຫລາຍປີ ຜ່ານມາ. ຂະນະທີ່ ໄຟປ່າ ຢູ່ຫ່າງຈາກ ເມືອງທາວ ໄປທາງຕາເວັນຕົກ ປະມານ 56 ກິໂລແມັດ ຂະຫຍາຍຕົວ ເປັນ 2 ເທົ່າ ແລະ ກາຍເປັນ ໄຟປ່າ ຂະໜາດໃຫຍ່ ທີ່ສຸດໃນ ສ.ອາເມລິກາ.
