Emmanuel Macron ໄຊຊະນະການເລືອກຕັ້ງ ສືບຕໍ່ດຳລົງຕຳແໜ່ງ ປະທານາທິບໍດີຝຣັ່ງສະໄໝທີ 2

ສຳນັກຂ່າວ BBC ຕ່າງປະເທດລາຍງານວັນທີ 25 ເມສາ 2022 ນີ້ໃຫ້ຮູ້ວ່າ: ປະທານາທິບໍດີຄົນປັດຈຸບັນຂອງຝຣັ່ງ Emmanuel Macron ຈາກພັກ ອອງມາຊ (LREM) ໄດ້ຮັບໄຊຊະນະຈາກການເລືອກຕັ້ງປະທານາທິບໍດີຝຣັ່ງສະໄໝທີ 2, ດ້ວຍຄະແນນ 58.55% ເປັນຄະແນນສຽງທີ່ເອົາຊະນະ ທ່ານ Marine Le ຈາກພັກປະຊາທິປະໄຕຝ່າຍຂວາ (RN) Pen ທີ່ເປັນຄູ່ແຂ່ງ ທີ່ສາມາດຍາດໄດ້ຄະແນນສຽງພຽງ 41.45%.

Macron ເປັນປະທານາທິບໍດີຝຣັ່ງຄົນທຳອິດໃນຮອບ 20 ປີ ທີ່ຊະນະການເລືອກຕັ້ງປະທານາທິບໍດີສອງສະໄໝຕິດຕໍ່ກັນ ຫຼັງຈາກປະທານາທິບໍດີ Jacques Chirac ໄດ້ທຳສະຖິຕິການເລືອກຕັ້ງທົ່ວໄປໃນປີ 2002 ໃນການເລືອກຕັ້ງຮອບທີສອງສອງຄັ້ງຕິດຕໍ່ກັນ, ແຕ່ຜົນຂອງການເລືອກຕັ້ງປີນີ້ຍັງໄດ້ນັບເປັນໄຊຊະນະທີ່ຄະແນນສູສີກັນ ຍັງມີຊ່ອງຫວ່າງ ຄະແນນແຄບລົງ ສຽງຂອງປະຊາຊົນຝຣັ່ງທີ່ໃຫ້ ການສະໜັບສະໜູນປະຊາທິປະໄຕຝ່າຍຂວາມີທ່າອຽງເພີ່ມຂຶ້ນ.

ໝາຍເຫດ: ການເລືອກຕັ້ງປະທານາທິບໍດີຝຣັ່ງຮອບທີ 2 ມີພຽງ 71,99% ຂອງຜູ້ໄປປ່ອນບັດໜ້ອຍກວ່າ 73,69% ຂອງຜູ້ມີສິດເລືອກຕັ້ງຮອບທຳອິດປະມານ 48,7 ລ້ານຄົນ, ຕ່ຳກວ່າ 72% ເປັນເທື່ອທຳອິດນັບແຕ່ການເລືອກຕັ້ງປະທານາທິບໍດີປີ 1969 ຫລື ກວ່າເຄິ່ງສະຕະວັດ.