ຄູເຄິນ ຢຶນຢັນ “ຣູດິເກີ” ແຈ້ງແລ້ວບໍ່ຕໍ່ສັນຍາ ພ້ອມຍ້າຍອອກຫລັງຈົບລະດູການນີ້
ໂທມັສ ຄູເຄິນ ຢືນຢັນວ່າ ອັນໂຕນີໂອ ຣູດີເກີ ແຈ້ງແລ້ວຈະບໍ່ຕໍ່ສັນຍາ ແລະ ຈະຂໍຍ້າຍອອກຈາກ ສະແຕມຟອດບິດ ຫລັງຈົບລະດູການນີ້
ຄູເຄິນ ຜູ້ຈັດການ ເຊວຊີ ສະໂມສອນຍັກໃຫຍ່ແຫ່ງ ພຣີເມຍລີກ ອັງກິດ ເປີດເຜີຍວ່າ ອັນໂຕນິໂອ ຣູດີເກີ ກອງຫຼັງຕົວແກ່ງຂອງທີມ ເຊິ່ງກຳລັງຈະໝົດອາຍຸລົງຫຼິ້ນໃນຖິ່ນສະແຕມຟອດບຣິດ ໃນທ້າຍລະດູການນີ້. ແຈ້ງກັບເຂົາເປັນສ່ວນຕົວວ່າຈະບໍ່ຕໍ່ສັນຍາກັບທີມ ແລະ ຈະຍ້າຍອອກໃນຊ່ວງຊຳເມີນີ້ ໂດຍຄາດກັນວ່າ ເຣອັນ ມາດຣິດ ມະຫາອຳນາດຂອງ ລາລີກາ ສະເປນ ເປັນຕົວເຕັງຫວັງທີ່ຈະໄດ້ຕົວກອງຫຼັງທີມຊາດເຢຍລະມັນມາເສີມທັບ
ນາຍໃຫຍ່ “ສິງບູລ” ກ່າວຫຼັງເກມລີກທີ່ທີມເປີດບ້ານເອົາຊະນະ “ຂຸນຄ້ອນ” ເວັສແຮມ ຢູໄນເຕັດ 1-0 ເມື່ອວັນອາທິດທີ່ຜ່ານມາວ່າ. “ລາວບອກຂ້ອຍເລື່ອງນີ້ ໃນການສົນທະນາສ່ວນຕົວສອງສາມມື້ກ່ອນຫນ້ານີ້ ພວກເຮົາໄດ້ສົ່ງຂໍ້ສະເໜີທັງໝົດທີ່ພວກເຮົາສາມາດສະເໜີໃຫ້ແລ້ວ ແລະ ໃນປັດຈຸບັນສະຖານະການແມ່ນຕິດຂັດ ເນື່ອງຈາກທີ່ສະໂມສອນຖືກຄວຳບາດ ແລະ ອັນໂຕນິໂອ ອາດຈະອອກຈາກ. ພວກເຮົາບໍ່ມີສິດທີ່ຈະເຮັດຫຍັງໄດ້ຫລາຍກວ່ານີ້ ຂ້ອຍບໍ່ຮູ້ວ່າການຖືກຄວຳບາດຈະມີຜົນກະທົບແນວໃດແດ່ ແຕ່ນີ້ແມ່ນການຕັດສິນໃຈຂອງເຂົາ ມັນບໍ່ດີສໍາລັບພວກເຮົາ. ແຕ່ສ່ວນຕົວຂ້ອຍບໍ່ມີບັນຫາຫຍັງກັບລາວ.”
“ເຂົາເປັນຜູ້ຫລິ້ນຄົນສໍາຄັນສໍາລັບພວກເຮົາ ແລະ ຈະຍັງຄົງເປັນແບບນັ້ນຕໍ່ໄປ ເຮົາຈະຄິດຮອດເຂົາຫຼາຍ, ລາວເປັນຄົນທີ່ຄອຍສ້າງແຮງຈູງໃຈໃຫ້ຫມູ່ຮ່ວມທີມ ແລະ ເປັນຄົນທີ່ເພື່ອນຂອງລາວນັບຖື ເຂົາລົງຫຼິ້ນເຕັມ 90 ນາທີ, 55 ເກມຕໍ່ລະດູການ ແລະ ຍັງຫຼິ້ນຢູ່ໃນລະດັບທີ່ດີເລີດ. ເຂົາເປັນຜູ້ປ້ອງກັນທີດີທີ່ສຸດໃນໄລຍະຫນຶ່ງປີເຄິ່ງທີ່ຜ່ານມາພາຍໃຕ້ທີມການຄຸມທີມຂອງຂ້ອຍ. ຂ້ອຍບໍ່ມີຫຍັງເວົ້າອີກ, ຂ້ອຍມີຄວາມເຄົາລົບນັບຖືລາວຢ່າງຫຼາຍ.”
