ຣັງນິກ ຍອມຮັບ ແມນຢູ ຕ້ອງຜ່າຕັດທີມຄັ້ງໃຫຍ່

ຣາຟ ຣັງນິກ ຜູ້ຈັດການທີມຊົ່ວຄາວຂອງ ແມນເຊສເຕີ ຢູໄນເຕັດ ອອກມາເປີດເຜີຍວ່າ ແມນຢູ ຕ້ອງມີການປ່ຽນແປງຄັ້ງໃຫຍ່ ຄືການຜ່າຕັດຫົວໃຈ ບໍ່ແມ່ນພຽງການຜ່າຕັດເສີມຄວາມງາມ ໃນຍຸກຂອງຜູ້ຈັດການທີມຄົນໃຫມ່ຄື ເອຣິກ ເທນ ຮາກ.

ແມນເຊສເຕີ ຢູໄນເຕັດ ສ້າງຜົນງານໄດ້ບໍ່ດີໃນລະດູການນີ້ ແລະ ຍັງເສຍໄຊໃຫ້ກັບທີມຄູ່ແຂ່ງຢ່າງ ລີເວີພູລ ແບບທັງໄປທັງກັບ ດ້ວຍປະຕູ 0-5 ແລະ 0-4 ແນວໃດກໍຕາມ ຫລ້າສຸດທີມພວມີການປ່ຽນແປງໃນລະດູຫນ້າ ຫລັງແມນຢູ ຫາກໍປະກາດວ່າ : ເອຣິກ ເທັນ ຮາກ ຜູ້ຈັດການທີມຊາວຮອນແລນ ຂອງທີມ ອາແຈັກ ອຳເຕີດຳ ຈະເຂົ້າມາຮັບຫນ້າທີ່ຜູ້ຈັດການທີມຄົນໃຫມ່ໃນລະດູການຫນ້າ.

ຫລ້າສຸດ ສຳນັກຂ່າວບີບີຊ ເປີດເຜີຍບົດສຳພາດຂອງ ຣັງນິກ ວ່າ ທີມຈຳເປັນຕ້ອງມີການປ່ຽນແປງຫົວໃຈ ຄືກັບການຜ່າຕັດຫົວໃຈ ບໍ່ແມ່ນພຽງການແກ້ໄຂຊ້ຄືກັບການຜ່າຕັດເສີມຄວາມງາມເທົ່ານັ້ນ ’’.

‘‘ ເຮົາຕ້ອງການພະລັງງານດ້ານບວກສຳລັບທີມຮັບໃຫມ່ ແລະ ຜູ້ຈັດການທີມຄົນໃຫມ່ ຫາກເຂົາໄດ້ຮັບມັນ ຫາກໄດ້ຮຽນຮູ້ບົດຮຽນທີ່ຖືກຕ້ອງ ຫນ້າຈະເປັນຫນຶ່ງໃນສິ່ງທີ່ດີບໍ່ເທົ່າໃດຢ່າງ ທີ່ເຮົາໄດ້ພົບກັນລະູດູການນີ້ ຢ່າງຫນ້ອຍເຈົ້າກໍໄດ້ຮູ້ວ່າຕ້ອງປ່ຽນນ໊ອດຕົວໃດ ສິ່ງທີ່ເຮົາຕ້ອງການປ່ຽນ ແລະ ຫາກມັນເກີດຂຶ້ນ ເປັນຫຍັງ ເທນຮາກ ຈະປະສົບຄວາມສຳເລັດຄືກັບຕອນເຮັດວຽກກັບ ອາແຈັກ ໄດ້ລະ.

‘‘ ມັນບໍ່ແມ່ນເລື່ອງຄຸນນະພາບຂອງຜູ້ຈັດການທີມ ມັນຄືການປ່ຽນສ່ິງຕ່າງທີ່ເຮັດໃຫ້ສະໂມສອນຂອງເຮົາມາຢູ່ໃນຈຸດທີ່ເຮົາຢູ່ໃນຕອນນີ້ ສິ່ງທີ່ດີນັ້ນຈະຈະແຈ້ງຢູ່ແລ້ວ ໂດຍທີ່ເຈົ້າບໍ່ເຈົ້າເປັນຕ້ອງໃສ່ແວນຕາເພື່ອເບິ່ງໃຫ້ເຫັນເຖິງບັນ ’’.