3 ເດືອນຕົ້ນປີ ນະຄອນຫລວງ ເກັບລາຍຮັບໄດ້ 1.200 ຕື້ກວ່າກີບ
ທ່ານ ສີລິລາດທົງສິນ ທອງເພັງ ຫົວໜ້າພະແນກການເງິນ ນວ, ໄດ້ລາຍງານ ເນື່ອງໃນໂອກາດການລົງຊຸກຍູ້ວຽກງານຂອງ ທ່ານ ບຸນໂຈມ ອຸບົນປະເສີດ ລັດຖະມົນຕີກະຊວງການເງິນ ພ້ອມດ້ວຍຄະນະ ແລະ ເຮັດວຽກຢູ່ ນວ, ໂດຍການຕ້ອນຮັບຂອງທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ວັນທີ 21 ເມສາ 2022 ນີ້ໃຫ້ຮູ້ວ່າ: ສະຫຼຸບຕີລາຄາໂດຍສັງເຂບກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດປີ 2022 ແລະ ບັນດາມາດຕະການການຈັດຕັ້ງປະຕິບັດວາລະແຫ່ງຊາດຕໍ່ກອງປະຊຸມຜ່ານການຈັດຕັ້ງປະຕິບັດແຜນງົບປະມານແຫ່ງລັດ ປີ 2022 ໄລຍະ 3 ເດືອນ ປີ 2022 (ແຕ່ວັນທີ 1 ມັງກອນ ຮອດ ວັນທີ 19 ເມສາ 2022) ດ້ານລາຍຮັບທັງໝົດສາມາດປະຕິບັດໄດ້ທັງໝົດ 1.200,51 ຕື້ກີບ ເທົ່າກັບ 21,53% ຂອງແຜນການປີ 5.576,34 ຕື້ກີບ (ທຽບໃສ່ໄລຍະດຽວຂອງປີ 2021 ສາມາດປະຕິບັດໄດ້ລື່ນ 6,94% ເປັນເງິນ 77,92 ຕື້ກີບ).
ໃນນັ້ນ, ລາຍຮັບພູດສູນກາງ (ພາສີ) ສາມາດປະຕິບັດໄດ້ 807,95 ຕື້ກີບ ເທົ່າກັບ 19,71% ຂອງແຜນການປີ 4.100 ຕື້ກີບ (ທຽບໃສ່ໄລຍະດຽວຂອງປີ 2021 ສາມາດປະຕິບັດໄດ້ຫຼຸດ 5,55% ເປັນເງິນ 47,44 ຕື້ກີບ). ລາຍຮັບທ້ອງຖິ່ນ (ນວ) ສາມາດປະຕິບັດໄດ້ 392,55 ຕື້ກີບ ເທົ່າກັບ 26,59% ຂອງແຜນການປີ 1.476,34 ຕື້ກີບ (ທຽບໃສ່ໄລຍະດຽວຂອງປີ 2021 ສາມາດປະຕິບັດໄດ້ລື່ນ 46,92% ເປັນເງິນ 125,36 ຕື້ກີບ).
ໃນນີ້, ສ່ວຍສາອາກອນສາມາດປະຕິບັດໄດ້ 367,95 ຕື້ກີບ ເທົ່າກັບ 26,28% ຂອງແຜນການປີ 1.400 ຕື້ກີບ (ທຽບໃສ່ໄລຍະດຽວຂອງປີ 2021 ສາມາດປະຕິບັດໄດ້ລື່ນ 44,40% ເປັນເງິນ 113,13 ຕື້ກີບ) ຊັບສິນຂອງ ລັດ, ສາມາດປະຕິບັດໄດ້ 24,11 ຕື້ກີບ ເທົ່າກັບ 31,85% ຂອງແຜນການປີ 75,71 ຕື້ກີບ (ທຽບໃສ່ໄລຍະດຽວຂອງປີ 2021 ສາມາດປະຕິບັດໄດ້ລື່ນ 94,96% ເປັນເງິນ 11,74 ຕື້ກີບ) ວິສາຫະກິດລັດລົງທຶນສາມາດປະຕິບັດໄດ້ 484,53 ລ້ານກີບ ເທົ່າກັບ 76,53% ຂອງແຜນການປີ 633,10 ລ້ານກີບ (ທຽບໃສ່ໄລຍະດຽວຂອງປີ 2021 ສາມາດປະຕິບັດໄດ້ລື່ນ 100% ເປັນເງິນ 484,53 ລ້ານກີບ) ລາຍຮັບອື່ນໆສາມາດປະຕິບັດໄດ້ 5,58 ລ້ານກີບ.
ພ້ອມກັນນັ້ນ, ໃນກອງປະຊຸມຍັງໄດ້ມີການລາຍງານໂດຍສັງເຂບການຈັດຕັ້ງປະຕິບັດບັນດາມາດຕະການວາລະແຫ່ງຊາດຈາກສາມຂະແໜງການສາຍຕັ້ງຂອງ ນວ ແລະ ບັນດາກົມກ່ຽວຂ້ອງຂອງກະຊວງການເງິນ.
ຈາກນັ້ນ, ທ່ານ ບຸນໂຈມ ອຸບົນປະເສີດ ໄດ້ມີຄໍາເຫັນທິດຊີ້ນໍາຕໍ່ການຈັດຕັ້ງປະຕິບັດວຽກງານຂອງຂະແໜງການເງິນ ຢູ່ ນວ ເປັນຕົ້ນ: ການຫັນຫົວໜ່ວຍເຂົ້າລະບົບອາກອນມູນຄ່າເພີ່ມ, ການຖືບັນຊີຂອງຫົວໜ່ວຍທຸລະກິດ, ການຄຸ້ມຄອງການເກັບລາຍຮັບພາສີທີ່ດິນ ແລະ ຄ່າທໍານຽມທາງຜ່ານລະບົບທະນາຄານ ແລະ ວຽກງານອື່ນໆ…ເພື່ອໃຫ້ເຫັນໄດ້ຂໍ້ສະດວກຂໍ້ຄົງຂ້າງ ແລະ ເປັນທິດທາງໃນການຈັດຕັ້ງປະຕິບັດວຽກງານໃນຕໍ່ໜ້າ ໃຫ້ໄດ້ຮັບປະສິດທິພາບ ແລະ ສໍາເລັດໄດ້ຕາມຄາດໝາຍທີ່ວາງໄວ້.
(ຂ່າວ-ພາບ:
