ບາເຊໂລນາ ບັນລຸຂໍ້ຕົກລົງກັບ ລິເວີພູລ ແລ້ວເລື່ອງຂໍຊື້ ຄູຈິນໂຢ ມາຮ່ວມທີມ

ສະໂມສອນ ບາເຊໂລນາ ບັນລຸຂໍ້ຕົກລົງກັບ ລິເວີພູລ ກ່ຽວ ກັບການຂໍຊື້ ຟິລິບເປ ຄູຕິນໂຢ ກອງກາງຄົນສຳຄັນຂອງ ລິເວີ ພູລ ແລ້ວ ຕາມລາຍງານຂອງ ອີເອສພີເອັນ ສື່ກິລາລະດັບໂລກ.
ບາເຊໂລນາ ຫາກໍປ່ອຍ ເນມາ ດາວຍິງຄົນເກັ່ງໄປໃຫ້ກັບ ປາຣິສ ແຊັງແຊັກແມັງ ດ້ວຍຄ່າ ໂຕສູງເປັນສະຖິຕິໂລກ 222 ລ້ານເອີໂຣ ສົ່ງຜົນໃຫ້ພວກເຂົາ ຕ້ອງຫາຄົນທີ່ຈະເຂົ້າມາທົດແທນຕຳແໜ່ງດັ່ງກ່າວ ແລະ ຄູຕິນໂຢ ກໍຖືເປັນໜຶ່ງໃນເປົ້າໝາຍຫຼັກຂອງທີມ.
ທັງກ່ອນໜ້ານີ້ລືກັນວ່າ ຄູຕິນໂຢ ໄດ້ແຈ້ງກັບຕົ້ນສັງກັດ ວ່າຕົ້ນເອງຍາກຍ້າຍທີມ ເພື່ອໄປ ຢູ່ກັບ ບາເຊໂລນາ ແລ້ວ ເຊິ່ງຫຼ້າ ສຸດ ອີເອສພີເອັນ ເຜີຍວ່າທັງ 2 ທີມບັນລຸຂໍ້ຕົກລົງກັນໄດ້ເປັນທີ່ ຮຽບຮ້ອຍແລ້ວ ໂດຍຄ່າໂຕໃນ ຕອນທຳອິດຂອງລາວຈະຢູ່ທ່ີ 90 ລ້ານເອີໂຣ ແລະ ມີເງື່ອນໄຂ ອື່ນໆທີ່ຈະເຮັດໃຫ້ເພີ່ມໄປເປັນ 120 ລ້ານເອີໂຣ.