“ຄອນເຕ້” ອອກໂຕເຕືອນ “ເທນຮາກ” ມັນບໍ່ງ່າຍທີ່ຈະພາແມນຢູປະສົບຄວາມສຳເລັດໃນໄລຍະສັ້ນ

ແມນເຊັສເຕີ ຢູໄນເຕັດ ປະກາດແຕ່ງຕັ້ງ ເອຣິກ ເທນຮາກ ເປັນຜູ້ຈັດການທີມຄົນໃໝ່ໃນລະດູການໜ້າ ໃນສັນຍາ 3 ປີ ກັບທາງເລືອກຂະຫຍາຍອອກໄປອີກ 1 ປີ ໂດຍຄູຝຶກຊາວໂຮນລັງ ທີ່ພາ ອາແຈັກ ອຳສະເຕີດຳ ຄວ້າແຊ້ມ 5 ສະໄໝມາຝາກແຟນບານໃໝ່ອີກດ້ວຍ

ຢ່າງໃດກໍ່ຕາມ, ອັນໂຕນິໂອ ຄອນເຕ້ ຜູ້ຈັດການທີມຂອງ ທັອດແນ໋ມ ຮັອດສະເປີ ທີ່ເກືອບໄດ້ຍ້າຍມາຄຸມ ແມນເຊັສເຕີ ຢູໄນເຕັດ ເມື່ອຊ່ວງທ້າຍປີທີ່ຜ່ານມາ. ເມື່ອສື່ໄດ້ຖາມກ່ຽວກັບປະເດັນທີ່ ແມນເຊັສເຕີ ຢູໄນເຕັດ ແຕ່ງຕັ້ງ ເທນຮາກ ໃນລະຫວ່າງການສໍາພາດກ່ອນການແຂ່ງຂັນກັບ ເບນຟອດ ໃນຄືນນີ້, ແລະເຂົາໄດ້ຕອບໃຫ້ຄໍາແນະນໍາກັບ ເທນຮາກ ໄວ້

“ລະດູການນີ້ ຢູໄນເຕັດ ພັດທະນາໂດຍການຊື້ນັກເຕະຕົວດັງໆເຂົ້າມາໃນທີມ, ແຕ່ມັນເປັນເລື່ອງແປກ ເພາະລະດູການທີ່ແລ້ວພວກເຂົາໄດ້ອັນດັບສອງ. ໃນຂະນະທີ່ລະດູການນີ້ສະຖານະການຮ້າຍແຮງກວ່າລະດູການທີ່ຜ່ານມາ. ມັນຫມາຍຄວາມວ່າບໍ່ມີຫຍັງງ່າຍໂດຍສະເພາະໃນ ພຣີເມຍລີກ ທີ່ມີການແຂ່ງຂັນກັນສູງ ເຈົ້າສາ​ມາດ​ຕົກຊັ້ນໄດ້. ຫຼື ອາດຈະຈົບຢູ່ໃນໂຊນໂຄຕ້າເອີຣົບກໍ່ເປັນໄດ້.”

“ແລະ ໃນເວລາທີ່ເຈົ້າເຂົ້າມາເປັນຜູ້ຈັດການ ແມນເຊັສເຕີ ຢູໄນເຕັດ, ມັນມີຄວາມກົດດັນຫຼາຍ ທ່ານຕ້ອງຕໍ່ສູ້ເພື່ອຊະນະຖ້ວຍລາງວັນ. ເຊີ່ງມັນບໍ່ສາມາດຈິນຕະນາການທີ່ຈະປະສົບຜົນສໍາເລັດໄດ້ງ່າຍເພາະວ່າທີມອື່ນໆກໍ່ຄິດແບບນີ້.”