ສະເປີ ຈ້ອງລວບ ອີຣິກເຊັນ-ຕີເລີມັນ ເສີມທີມ

ທັອດແນມ ຮັອດສະເປີ ກຽມຈັດຫນັກດ້ວຍການຄວ້າ 2 ກອງກາງ ຄຣິສຕຽນ ອີຣິກເຊັນ ແລະ ຢູຣິ ຕີເລີມັນ ມາເສີມທີມໃນລະດູການນີ້.

ສະເປີ ທີມດັງແຫ່ງພຣີເມຍລີກ ອັງກິດ ກຽມເສີມທີມຄັ້ງໃຫຍ່  ເມື່ອເລັງເປົ້າດຶງ ຄຣສຕຽນ ອີຣິກເຊັນ ກອງກາງທີມຊາດເດນມາກຂອງ ເບຣນຟອດ ແລະ ຢູຣິ ຕີເລີມັນ ກອງກາງຕົວເກ່ັງຂອງ ເລສເຕີ ຊິຕີ ມາຮ່ວມທີມໃນລະດູການນີ້.

ອັນໂຕນີໂອ ຄອນເຕ ຜູ້ຈັດການທີມ ສະເປີ ຢາກໄດ້ ອີຣິກເຊັນ ທີ່ເຄີຍຫລິ້ນໃຫ້ກັບ ສະເປີ ດົນເຖິງ 6  ປີເຄິ່ງ ກັບມາຮ່ວມທີມອີກເທື່ອຫນຶ່ງ ຫລັງນັກເຕະສ້າງຜົນງານກັບ ເບຣນຟອດ ໄດ້ຢ່າງໂດດເດັ່ນ.

ຂະນະທີ່ ຕີເລີມັນ ກໍເປັນອີກຫນຶ່ງເປົ້າຫມາຍທີ່ຜູ້ຈັດການທີມຊາວອີຕາລີ ຢາກໄດ້ມາຮ່ວມທີມ ຫລັງດາວເຕະທີມຊາດເບລຢ້ຽມ ທີ່ເຫລືອສັນຍາກັບ ເລສເຕີ ຊິຕີ ອີກພຽງ 1 ປີ ເທົ່ານັ້ນ ສະແດງອອກຢ່າງຈະແຈ້ງແລ້ວວ່າ ຕ້ອງການຍ້າຍສັງກັດໄປຢູ່ກັບສະໂມສອນທີ່ໄດ້ລົງຫລິ້ນໃນວເທີ ແຊ໊ມປຽນ ລີກ.

ນອກຈາກນີ້ ສະເປີ ທີ່ມີໂອກາດຫລາຍທີ່ຈະໄດ້ໂຄຕາໄປລຸຍ ຢູຟາ ແຊ໊ມປຽນລີກ ໃນລະດູການຫນ້ານັ້ນ ຍັງພ້ອມຈະຄວ້າ ເດຢັນ ຄູລູເຊຟສະກີ ມາຈາກ ຢູເວນຕູສ ຢ່າງຖາວອນນຳອີກ ຫລັງຈາກນັກເຕະສ້າງຜົນງານໄດ້ຢ່າງໂດດເດັ່ນນັບແຕ່ຖືກຢືມຕົວມາໃນເດືອນມັງກອນ ປີ 2022.