ປີ 2021 ສປປ ລາວ ບັນລຸມູນຄ່າສົ່ງອອກສິນຄ້າຫລາຍກວ່າ 7,6 ຕື້ໂດລາສະຫະລັດ
ສູນຂໍ້ມູນຂ່າວສານທາງດ້ານການຄ້າ ກະຊວງອຸດສາຫະກຳ ແລະ ການຄ້າ ລາຍງານວ່າ: ປີ 2021, ສ ປປ ລາວ ສົ່ງອອກສິນຄ້າໄປຫລາຍກວ່າ 90 ປະເທດ ແລະ ຂົງເຂດໃນທົ່ວໂລກ ເຊິ່ງບັນລຸຫລາຍກວ່າ 7.600 ລ້ານໂດລາສະຫະລັດ. ໃນນັ້ນ, ມີ 12 ປະເທດທີ່ມີມູນຄ່າການສົ່ງອອກຫລາຍກວ່າ 50 ລ້ານໂດລາ ເຊັ່ນ: ໄທ, ສປ ຈີນ, ສສ ຫວຽດນາມ, ອົດສະຕຣາລີ, ກຳປູເຈຍ, ສະວິດ, ສິງກະໂປ, ຮົງກົງ, ຍີ່ ປຸ່ນ, ເຢຍລະມັນ, ອິນເດຍ ແລະ ສ ອາເມລິກາ.
ສຳລັບ ສິນຄ້າສົ່ງອອກຫລັກ ທີ່ມີມູນຄ່າຫລາຍສຸດ ເປັນຕົ້ນ ໄຟຟ້າ 2.200 ລ້ານໂດລາສະຫະລັດ, ຄຳປະສົມ ແລະ ຄຳແທ່ງ 962 ລ້ານໂດລາສະຫະລັດ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ 529 ລ້ານໂດລາສະຫະລັດ, ແຮ່ທອງ 329 ລ້ານໂດລາສະຫະລັດ, ເຍື່ອໄມ້ ແລະ ເສດເຈ້ຍ 297 ລ້ານໂດລາສະຫະລັດ, ຢາງພາລາ 270 ລ້ານໂດລາສະຫະລັດ, ມັນຕົ້ນ 265 ລ້ານໂດລາສະຫະລັດ, ແຮ່ເຫລັກ 243 ລ້ານໂດລາສະຫະລັດ, ໝາກກ້ວຍ 235 ລ້ານໂດລາສະຫະລັດ, ເຄື່ອງນຸ່ງຫົ່ມ 190 ລ້ານໂດລາສະຫະລັດ, ຝຸ່ນ (ປຸຍ) 148 ລ້ານໂດລາສະຫະລັດ, ເຄື່ອງໃຊ້ໄຟຟ້າ ແລະ ອຸປະກອນເຄື່ອງໃຊ້ໄຟຟ້າ 148 ລ້ານໂດລາສະຫະລັດ. ສ່ວນໂຄງຮ່າງຊິ້ນສ່ວນກ້ອງບັນທຶກພາບ ມີມູນຄ່າ 122 ລ້ານໂດລາສະຫະລັດ, ເກີບ 109 ລ້ານໂດລາສະຫະລັດ, ນ້ຳຕານ 96 ລ້ານໂດລາສະຫະລັດ ແລະ ຊີມັງ 91 ລ້ານໂດລາສະຫະລັດ.
ສິນຄ້າ ທີ່ ສປປ ລາວ ສົ່ງອອກເປັນອັນດັບ 1 ແມ່ນປະເທດໄທ ມີມູນຄ່າເຖິງ 2.800 ລ້ານໂດລາສະ ຫະລັດ. ໃນນັ້ນໄຟຟ້າ ມູນຄ່າ 1.900 ລ້ານໂດລາສະຫະລັດ, ມັນຕົ້ນ 219 ລ້ານໂດລາສະຫະລັດ, ໂຄງ ຮ່າງຊິ້ນສ່ວນກ້ອງບັນທຶກພາບ 122 ລ້ານໂດລາສະຫະລັດ ແລະ ເຄື່ອງໃຊ້ໄຟຟ້າ, ອຸປະກອນເຄື່ອງໃຊ້ໄຟຟ້າ 105 ລ້ານໂດລາສະຫະລັດ ແລະ ຊີມັງ 91 ລ້ານໂດລາສະຫະລັດ; ອັນດັບ 2 ສປ ຈີນ ມູນຄ່າ 2.200 ລ້ານໂດລາສະຫະລັດ. ໃນນີ້, ສິນຄ້າສົ່ງອອກແມ່ນເຈ້ຍ ແລະ ເຄື່ອງທີ່ເຮັດດ້ວຍເຈ້ຍ ມູນຄ່າ482 ລ້ານໂດລາສະຫະລັດ, ຄຳປະສົມ, ຄຳແທ່ງ 349 ລ້ານໂດລາສະຫະລັດ, ແຮ່ທອງ 328 ລ້ານໂດລາສະ ຫະລັດ, ເຍື່ອໄມ້ ແລະ ເສດເຈ້ຍ 295 ລ້ານໂດລາສະຫະລັດ, ໝາກກ້ວຍ 219 ລ້ານໂດລາສະຫະລັດ, ແຮ່ເຫລັກ 131 ລ້ານໂດລາສະຫະລັດ, ຝຸ່ນ (ປຸຍ) 110 ລ້ານໂດລາສະຫະ ລັດ ແລະ ຢາງພາລາ 89 ລ້ານໂດລາສະຫະລັດ; ອັນດັບ 3 ສສ ຫວຽດນາມ ມູນຄ່າ 1.200 ລ້ານໂດລາສະຫະລັດ. ໃນນີ້, ສິນ ຄ້າສົ່ງອອກຫລັກເຊັ່ນ: ຢາງພາລາ ມູນຄ່າ 180 ລ້ານໂດລາສະຫະລັດ, ແຮ່ເຫລັກ 112 ລ້ານໂດລາສະ ຫະລັດ, ນ້ຳຕານ 83 ລ້ານໂດລາສະຫະລັດ, ໄຟຟ້າ 78 ລ້ານໂດລາສະຫະລັດ, ກາເຟ (ບໍ່ທັນປຸງແຕ່ງ) 48 ລ້ານໂດລາສະຫະລັດ, ມັນຕົ້ນ 46 ລ້ານໂດລາສະຫະລັດ, ແຮ່ຄໍາເຂັ້ມຂຸ້ນ 30 ລ້ານໂດລາສະຫະລັດ ແລະ ຢາສູບ 27 ລ້ານໂດລາສະຫະລັດ; ອັບດັບ 4 ອົດສະຕຣາລີ ແລະ ອັນດັບ 5 ກໍາປູເຈຍ.
