ເກີດແຜ່ນດິນໄຫວ 4.1 ຣິກເຕີ ໃນບໍລິເວນແຂວງໄຊຍະບູລີ

ກົມອຸຕຸນິຍົມ ແລະ ອຸທົກກະສາດ ໄດ້ລາຍງານສະພາບການເກີດ ແຜ່ນດິນໄຫວ ຈາກສູນຂ່າວສານແຜ່ນດິນໄຫວແຫ່ງຊາດ ຄັ້ງວັນທີ 17 ເມສາ 2022 ໃນເວລາ 21:11 ໂມງ ໄດ້ພົບສັນຍານການເກີດແຜ່ນດິນໄຫວ ພາຍໃນປະເທດລາວ ຈໍານວນ 01 ຄັ້ງ

ຈຸດເກີດເຫດຢູ່ທີ່ບ້ານນໍ້າສິບ ເມືອງຫົງສາ ແຂວງໄຊຍະບູລີ ມີຈຸດສູນກາງຢູ່ເສັ້ນຂະໜານທີ 19.584 ອົງສາເໜືອ ແລະ ເສັ້ນແວງທີ 101.375 ອົງສາຕາເວັນອອກ ດ້ວຍຄວາມ ແຮງສັ່ນສະເທືອນວັດແທກໄດ້ 4.1 ຣິກເຕີ ມີຄວາມເລິກຈາກເທິງໜ້າດິນ ປະມານ 04 ກິໂລແມັດ ເຊິ່ງຈຸດສູນກາງເກີດແຜ່ນດິນໄຫວແມ່ນຫ່າງຈາກ ເທສະບານເມືອງຫົງສາ ປະມານ 14 ກິໂລແມັດ.

ເຫດການແຜ່ນດິນໄຫວ ດັ່ງກ່າວໃນເບື້ອງຕົ້ນ ຍັງບໍ່ມີລາຍງານຜົນເສຍຫາຍ.