ມາເນ ເປີດໃຈຫລັງຍິງ 2 ໜ່ວຍ ພາລີເວີພູລ ດັບ ແມນຊິຕີ ສານຝັນຄວ້າ 4 ແຊ໊ມໃຫ້ເປັນຈິງ

ຊາດິໂອ ມາເນ ກອງຫນ້າຄົນເກ່ັງຂອງລີເວີພູລ ອອກມາເປີດໃຈຫລັງຍິງ 2 ໜ່ວຍ ເອົາຊະນະ ແມນເຊສເຕີ ຊິຕີ 3-2 ພາທີມເຂົ້າສູ່ຮອບຊີງຊະນະເລີດ ບານເຕະ ເອຟເອຄັບ 2021-22.

ຊາດີໂອ ມາເນ ກອງຫນ້າຄົນສຳຄັນຂອງ ລີເວີພູລ ທີມດັງແຫ່ງ ພຣີເມຍລີເວີພູລ ອັງກິດ ອອກມາເປີດໃຈຫລັງຍິງ 2 ໜ່ວຍ ພາທີມເອົາຊະນະ ແມນເຊສເຕີ ຊິຕີ ດ້ວຍປະຕູ 3-2 ພາທີມເຂົ້າສູ່ຮອບຊີງຊະນະເລີດ ເອຟເອ ຄັບ 2021-22 ເມື່ອຄືນທີ່ຜ່ານມາ ແລະ ຍັງຄົງມີຫວັງ 4 ຄວ້າແຊ໊ມຕໍ່ໄປ.

ເກມນີ້ ລີເວີພູລ ໄດ້ 3 ປະຕູຈາກ ອີບຣາຮີມາ ໂຄນາເຕ ນາທີທີ 9 ແລະ ຊາດີໂອ ມາເນ ເຫມົາຄົນດຽວສອງປະຕູໃນນາທີ 17 ແລະ ນາທີ 45 ສ່ວນ ແມນຊິິຕີ ໄດ້ 2 ປະຕູຈາກ ແຈັກ ກຣີລິດ ນາທີທີ 47 ແລະ ແບນາໂດ ຊິລວາ ນາທີ 90+1 ຂອງເກມ.

ຫລ້າສຸດ ຊາດີໂອ ມາເນ ອອກມາກ່າວວ່າ ‘‘ ນີ້ຄືວັນທີ່ພິເສດຄືນຫນຶ່ງ ເຮົາໄດ້ລົງຫລິ້ນກັບຫນຶ່ງໃນທີມທີ່ດີທີ່ສຸດຂອງໂລກ ການຄວ້າໄຊຊະນະເຫນືອພວກເຂົາໃນເກມຮອບຮອງຊະນະເລີດ ມັນຈຶ່ງຍິ່ງໃຫຍ່ ແນ່ນອນວ່າເຮົາພໍໃຈຫລາຍກັບຜົນນັດນີ້ ເຮັດໃຫ້ເຮົາເຂົ້າສູ່ຮອບຊີງຊະນະເລີດ ສ່ວນຄວາມເປັນໄປໄດ້ທີ່ຈະຄວ້າ 4 ແຊ໊ມໃນລະດູການນີ້ບໍ ? ເອົາເປັນວ່າເຮົາຕ້ອງລົງຫລິ້ນອີກຫລາຍນັດເຊິ່ງເຮົາຈະເຮັດໃຫ້ດີທີ່ສຸດ ມັນຄືສິ່ງທີ່ເຮົາປາຖະຫນາ ແລະ ເຮົາຈະເຮັດໃຫ້ໄດ້ ’’.