ຣັງນິກ ເຕືອນນັກເຕະແມນຢູ ຢ່າເພິ່ງແຕ່ ໂຣນັລໂດ, ຍອມຮັບບໍ່ພໍໃຈຜົນງານທີມເກມຊະນະ ນໍຣິສ

ຣາຟ ຣັງນິກ ຜູ້ຈັດການທີມ ແມນເຊສເຕີ ຢູໄນເຕັດ ເຕືອນລູກທີມວ່າບໍ່ຄວນເພິ່ງພາແຕ່ ຄຣິສຕຽນໂນ ໂຣນັລໂດ ຫລາຍເກີນໄປ ພ້ອມລະບຸວ່າບໍ່ພໍໃຈກັບຜົນງານເກມໂດຍລວມໃນເກມເອົາຊະນະ ນໍຣິສ ຊິຕີ 3-2.

ແມນເຊສເຕີ ຢູໄນເຕັດ ກັບມາຄວ້າໄຊຊະນະໃນພຣີເມຍລີກ ອັງກິດ ເປັນນັດທຳອິດໃນຮອບ 3 ເກມ ຫລັງເປີດສະຫນາມ ໂອນ  ແທຣ໊ຟຟອດ ເອົາຊະນະ ນໍຣິສ ຊິຕີ 3-1 ໃນວັນທີ 16 ເມສາ. ຈາກແຮັດທຣິກ ຂອງ ຄຣິສຕຽນໂນ ໂຣນັລໂດ ນາທີທີ 7, 32 ສ່ວນ 76 ສ່ວນທີມຢາມໄດ້ຈາກ ຄີແຣນ ໂດເວລ ນາທີທີ 45+2 ແລະ ຕີມ ປຸກກີ ນາທີ 52.

ຈາກຜົນງານດັ່ງກ່າວເຮັດໃຫ້ ແມນເຊສເຕີ ຢູໄນເຕັດ ມີເພີ່ມເປັນ 54 ຄະແນນ ຈາກ 32 ນັດ ຂຶ້ນມາຢູ່ອັນດັບ 5 ຂອງຕາຕະລາງ ສ່ວນ ນໍຣິສ ຊິຕີ ຢຸດຢູ່ທີ່ 21 ຄະແນນ ຈາກ 32 ນັດ ຢູ່ທ້າຍຕາຕະລາງ ນອກຈາກນັ້ນ ຍັງເປັນແຮັດທຣິກທີ 60 ໃນອາຊີບນັກເຕະ ແລະ ເປັນແຮັດທຣິກທີ 50 ໃນການຫລິ້ນໃນລະດັບສະໂມສອນ.

ຫລັງການແຂ່ງຂັນ ຣັງນິກ ອອກມາເຕືອນລູກທີມວ່າບໍ່ຄວນເພິ່ງ ໂຣນັລໂດ ຫລາຍເກີນໄປ ພ້ອມເຜີຍບໍ່ພໍໃຈຜົນງານຂອງທີມໃນເກມນີ້.

‘‘ ເຊ່ັນດຽວກັບເກມກັບ ທັອດແນມ ຮັອດສະເປີ ໂຣນັລໂດ ມີຄວາມສຳຄັນຫລາຍ ປະຕູທີ່ລາວເຮັດໄດ້ນັ້ນມັນບໍ່ແມ່ນງ່າຍໆ ແຕ່ເຮົາບໍ່ຄວນເພິ່ງຫາລາວຫລາຍ ເຮົາຫລິ້ນໄດ້ດີໃນບາງຈັງຫວະ ແຕ່ບາງຈັງຫວະເຮົາກໍເຮັດໃຫ້ເກມຊ້າລົງ ແລະ ບໍ່ໄດ້ໃຊ້ການທະລຸຂຶ້ນໄປແຄມເສັ້ນເລີຍ ກັບເກມຮັບຂ້ອຍເອງກໍບໍ່ມີຄວາມສຸກເລີຍ ’’.

‘‘ ການຂຶ້ນນຳ 2-0 ເຮົາຫນ້າຈະເຮັດໃຫ້ຊີວິດງ່າຍຂຶ້ນ ແຕ່ເຮົາຕັ້ງໄດ້ບໍ່ດີ ດາບິ

ເດ ເຄອາ ເຮັດໃຫ້ເຮົາຢູ່ໃນເກມ ມັນສຳຄັນຫລາຍທີ່ເຮົາຊະນະປະຕູໄດ້ ແຕ່ວິທີການຫລິ້ນຂອງເຮົາບໍ່ດີພໍ ມັນເປັນເລື່ອງຂອງຄວາມເຂັ້ມຂຸ້ນ ແລະ ຄວາມແຂງແກ່ນ ’’.