ເທນ ຮາກ ຮ້ອງຂໍ 2 ນັກເຕະດຶງມາຮ່ວມງານທີ່ ແມນຢູ

ນັກຂ່າວຊື່ດັງຢ່າງ ໄມ ເວີໄວ ອອກມາເປີດເຜີຍວ່າ ເອຣິກ ເທນ ຮາກ ໄດ້ຮ້ອງຂໍຊື່ 2 ນັກເຕະດັງເພື່ອດຶງມາຮ່ວມທີມທີ່ ແມນເຊສເຕີ ຢູໄນເຕັດ.

ໄມ ເວີໄວ ນັກຂ່າວຊື່ດັງຈາກ De Telegraaf ຫນັງສືພິມລາຍວັນລາຍໃຫຍ່ທີ່ສຸດຂອງຮອນແລນ ອອກມາເປີດເຜີຍວ່າ ເອຣິກ ເທນ ຮາກ ຜູ້ຈັດການທີມຊາດຮອນແລນ ໄດ້ຮ້ອງຂໍໃຫ້ຊື້ 2 ນັກເຕະດັງຢ່າງ ຢູຣຽນ ທິມເບີ ແລະ ແອນໂທນີ ເພື່ອມາຮ່ວມງານທີ່ແມນເຊສເຕີ ຢູໄນເຕັດ.

ເປັນທີ່ເຂົ້າໃຈກັນວ່າ ບັນດານັກຂ່າວຊື່ດັງ ແລະ ຫລາຍສຳນັກໃນອັງກິດ ລາຍງານໄປໃນທິດທາງດຽວກັນວ່າ ເອຣິກ ເທນ ຮາກ ບັນລຸຂໍ້ຕົກລົງລາຍລະອຽດກັບ ຍອດທີມສີແດງແຫ່ງເມືອແມນເຊສເຕີ ເປັນທີ່ຮຽບຮ້ອຍແລ້ວ ແລະ ເຫລືອພຽງຖ້າປະກາດຢ່າງທາງການ ເຊິ່ງຄາດວ່າຈະເປັນວັນທີ 17 ເມສານີ້.

ສຳລັບ ແມນເຊສເຕີ ຢູໄນເຕັດ ພາຍໃຕ້ການນຳທີມຂອງ ຣາຟ ຣັງນິກ ຜູ້ຈັດການທີມຊາວເຢຍລະມັນ ຜົນງານບໍ່ຄົງທີ່ ໂດຍສະເພາະໃນລີກທີ່ປັດຈຸບັນຢູ່ທີ 7 ຂອງຕາຕະລາງດ້ວຍການມີ 51 ຄະແນນ ຈາກການລົງສະຫນາມ 31 ນັດ ເກມຫລ້າສຸດຫາກໍບຸກໄປເສຍໃຫ້ ເອຟເວີຕັນ.