ມຽນມາອອກ “ໃບຮັບຮອງສັກວັກຊີນປ້ອງກັນໂຄວິດ-19” ສະບັບອອນລາຍ ເພື່ອການເດີນທາງຕ່າງປະເທດ

ວັນທີ 7 ເມສາ 2022, ສຳນັກຂ່າວຊິນຮົວລາຍງານວ່າ: ກະຊວງສາທາລະນະສຸກມຽນມາປະກາດການອອກໃບຮັບຮອງການສັກວັກຊີນປ້ອງກັນພະຍາດຕິດເຊື້ອໄວຣັສໂຄໂຣນາສາຍພັນໃໝ່ (ໂຄວິດ-19) ແບບເອເລັກໂຕຣນິກ ສະບັບພາສາອັງກິດ ສຳລັບການເດີນທາງລະຫວ່າງປະເທດ ໂດຍໃບຮັບຮອງດັ່ງກ່າວຈະມີລະຫັດຄິວອາຣ໌ (QR) ທີ່ອອກຜ່ານລະບົບອອນລາຍ ແລະ ໃຊ້ໃນໂທລະສັບມືຖື ຫລື ແທັບເລັດໄດ້ທຸກລຸ້ນ.

ຜູ້ສັກວັກຊີນປ້ອງກັນພະຍາດໂຄວິດ-19 ຄົບໂດສ ແລະ ມີບັນທຶກການສັກວັກຊີນດັ່ງກ່າວ ສະບັບພາສາມຽນມາ ພ້ອມລະຫັດອາຣ໌ໂຄດ ແລະ ລະຫັດປະຈຳຕົວທີ່ອອກໂດຍລະບົບຂໍ້ມູນການຈັດການການສັກວັກຊີນ ສາມາດຍື່ນຂໍໃບຮັບຮອງນີ້ຜ່ານເວັບໄຊກະຊວງສາທາລະນະສຸກ ເຊິ່ງຈະໃຊ້ເວລາພິຈາລະນາ ແລະ ອະນຸມັດພາຍໃນ 5 ວັນ.

ທັງນີ້, ມຽນມາມີຜູ້ຕິດເຊື້ອພະຍາດໂຄວິດ-19 ສະສົມ 612.132 ຄົນ ເຊິ່ງເປັນຜູ້ຕິດເຊື້ອຫາຍດີ 590.554 ຄົນ ເມື່ອນັບຮອດວັນທີ 7 ເມສາ, ສ່ວນຈຳນວນຜູ້ເສຍຊີວິດສະສົມມີ 19.434 ຄົນ.