ຣັສເຊຍ ຖອນຄຳອຸທອນໂທດຈາກ ຟີຟາ, ແຕ່ຍັງດຳເນີນອຸທອນກັບ ຢູຟາ

ສະຫະພາບບານເຕະຣັສເຊຍ (RFU) ຕັດສິນໃຈຖອນຄຳອຸທອນຕໍ່ບົດລົງໂທດຂອງ ສະຫະພັນບານເຕະນາໆຊາດ (FIFA) ທີ່ສັ່ງຫ້າມບໍ່ໃຫ້ ທີມຊາດຣັສເຊຍ ລົງແຂ່ງຂັນໃນການແຂ່ງຂັນລະດັບຊາດ ລວມເຖິງການແຂ່ງຂັນບານໂລກ 2022 ແລ້ວ.

RFU ຕັດສິນໃຈຍື່ນອຸທຶນຕໍ່ສານກິລາໂລກ (CAS) ຫລັງຟີ ສັ່ງລົງໂທດທີມຊາດຣັສເຊຍ ຫລັງການບຸກເຂົ້າຮຸກຮານ ຢູເຄຣນ ຂອງກອງທັບຂອງຣັສເຊຍ ຈົນເຮັດໃຫ້ພວກເຂົາຖືກຕັດສິດຈາກການລົງແຂ່ງຂັນໃນບານໂລກ 2022 ຮອບຄັດເລືອກເຂດຢູໂຣບ ຮອບເພລອອບ ແລະ ເຮັດໃຫ້ຄູ່ແຂ່ງໂປແລນ ໄດ້ເຂົ້າຮອບແທນອັດຕະໂນມັດ.

ແນວໃດກໍຕາມຫລ້າສຸດ ສະຫະພາບບານເຕະຣັສເຊຍ ຕັດສິນໃຈຖອນຄຳອຸທອນດັ່ງກ່າວແລ້ວ ແຕ່ຢືນຢັນວ່າພວກເຂົາຍັງຄົງຈະເດີນຫນ້າອຸທອນໂທດຂອງສະຫະພັນບານເຕະຢູໂຣບ (EUFA)  ທີ່ລົງໂທດສະໂມສອນຂອງຣັສເຊຍຈາກການແຂ່ງຂັນບານເຕະສະໂມສອນຢູໂຣບຈົນສົ່ງຜົນໃຫ້ ສະປາຕັກ ມອສໂກ ຖືກປັບຕົກຮອບ 16 ທີມສຸດທ້າຍ ຢູໂຣປາ ລີກ ລະດູການນີ້ ຕໍ່ໄປ.