ແມນຢູ ສົນໃຈຢາກໄດ້ ເອຣິກເຊນ ເປັນຕົວແທນ ປ໊ອກບາ

ຄຣິສຕຽນ ເອຣິກເຊນກອງກາງທີມຊາດເດນມາກ ກັບມາເໝືອນເກີດໃຫມ່ອີກເທື່ອຫນຶ່ງ ຫລັງສ້າງຜົນງານດີກັບ ເບຣນຟອດ ຈົນມີຂ່າວວ່າ ແມນເຊສເຕີ ຢູໄນເຕັດ ພ້ອມເປີດເສິກກັບ ສະເປີ ຫວັງດຶງມາຮ່ວມທີມໃນລະດູການນີ້.

ແມນເຊສເຕີ ຢູໄນເຕັດ ໃຫ້ຄວາມສົນໃຈທີ່ຈະຄວ້າ ຄຣິສຕຽນ ເອຣິກເຊັນ ກອງກາງ ເບຣນຟອດ ຄູ່ແຂ່ງຮ່ວມລີກ ພຣີເມຍລີກ ອັງກິດ ມາເສີມທີມໃນໄລຍະລະດູການນີ້ ຕາມການລາຍງານຈາກ ເດລີ ເມລ ສື່ເມືອງອັງກິດເມື່ອວັນອັງຄານທີ 5 ເມສາທີ່ຜ່ານມາ.

ເອຣິເຊັນ ມີອາກາດຫົວໃຈຢຸດເຕັ້ນກະທັນຫັນ ຈົບລົງໄປນອນຄາສະຫນາມລະຫວ່າງການແຂ່ງຂັນຢູໂຣ 2020 ທີ່ທີມຊາດເດນມາກພົບກັບທີມຊາດຟິນແລນ ເມື່ອເດືອນມິຖຸນາທີ່ຜ່ານມາ ຈົນຖືກນຳຕົວເຂົ້າໂຮງຫມໍຢ່າງຮີບດ່ວນ ກ່ອນທີ່ເວລາຕໍ່ມາຈະຕ້ອງຍົກເລີກສັນຍາກັບ ອິນເຕີ ມິລານ.

ແນວໃດກໍຕາມ ດາວເຕະອາຍຸ 30 ປີ ໄດ້ຫວນກັບມາຫລິ້ນໃນພຣີເມຍລີກ ກັບເບຣນຟອດ ໃນໄລລະລະດູການຜ່ານມາ ໂດຍເຊັນສັນຍາສັ້ນ 6 ເດືອນ.

ຫລັງກັບມາລົງສະຫນາມອີກເທື່ອຫນຶ່ງ ກໍສ້າງຜົນງານເກ່ັງໃຫ້ ເບຣນຟອດ ແລະ ຫາກໍຍິງປະຕູໃນເກມບຸກໄປຖະຫລ່ົມ ເຊລຊີ 4-1 ລວມທັງຖືກເອີ້ນໄປຕິດທີມຊາດອີກເທື່ອຫນຶ່ງ ແລະຍິງປະຕູໄດ້ໃນເກມອຸ່ນເຄື່ອງໄລຍະທ້າຍເດືອນມິນາທີ່ຜ່ານມາ.

ເດລີ ເມລ ລາຍງານວ່າ ແມນເຊສເຕີ ຢູໄນເຕັດ ພວມຈັບຕາ ເອຣິເຊນ ຢ່າງໃກ້ຊິດ ໂດຍຄາດວ່າມີໂອກາດຶງມາແທນ ປອລ ປ໊ອກບາ ກອງກາງທີມຊາດຝຣັ່ງທີ່ຄົງຈະອຳລາຖິ່ນ ໂອນ ແທຣັບຟອດ ອີກເທື່ອຫນຶ່ງ ຫລັງຫມົດສັນຍາໃນລະດູການນີ້.