ອາຫານສຳລັບຄົນຢາກມີລູກ – ມີລູກຍາກ (ອາຫານບຳລຸງໄຂ່)
April 5, 2022 - 2:04 PM
ຫາກຍັງບໍ່ໄດ້ລອງໄປປຶກສາທ່ານໝໍ ອາດຈະລອງໂດຍການເລືອກກິນອາຫານເບິ່ງກ່ອນ ເພາະການເລືອກກິນອາຫານໃຫ້ເປັນ, ເລືອກສານອາຫານບຳລຸງໃຫ້ຖືກ ກໍຊ່ວຍເພີ່ມອັດຕາການຖືພາໄດ້ນຳ. ມາເບິ່ງນຳກັນວ່າຄົນມີລູກຍາກ ຄວນກິນອາຫານຫຍັງແດ່.
- ປາແຊວມັອນ : ເປັນແຫ່ລງຂອງໂອເມກ້າ – 3 ເຊິ່ງກົດໄຂມັນດີນີ້ ເຮັດໜ້າທີ່ເປັນສ່ວນປະກອບຂອງຮໍໂມນ ນນອກຈາກນີ້ຍັງຊ່ວຍໃນການເຮັດວຽກຂອງສະໝອງ ແລະ ຊ່ວຍຄວບຄຸມຮອບປະຈຳເດືອນໃຫ້ສະໝ່ຳສະເໝີ. ນອກຈາກປາແຊວມັອນແລ້ວ ປາທະເລນ້ຳເລິກອື່ນໆກໍເປັນແຫ່ລງໂອເມກ້າ – 3 ຄືກັນ ຫລື ຖ້າບໍ່ກິນປາ ກໍຍັງຫາແຫ່ລງໂອເມກ້າ – 3 ໄດ້ຈາກພືດ ເຊັ່ນ : ຖົ່ວວອນນັດ.
- ທັນຍາພືດ : ເຫດຜົນທີ່ຄວນກິນທັຍາພືດ ແມ່ນເພື່ອຊ່ວຍຄວບຄຸມລະດັບນ້ຳຕານໃນເລືອດ ເພາະຫາກກິນອາຫານຈຳພວກທັນຍາພືດໄດ້ ເຊັ່ນ : ເຂົ້າເໝົ້າ, ເຂົ້າກໍ່າ, ເຂົ້າເບລ, ເຂົ້າໜົມປັງໂຮຫວີດ ຮ່າງກາຍຈະໃຊ້ເວລາຍ່ອຍດົນ ເພາະມີປະລິມານໂປຣຕິນ ແລະ ໄຍອາຫານຫລາຍ ເຊິ່ງເຮັດໃຫ້ລະດັບນ້ຳຕານໃນເລືອດຄົງທີ່ ແລະ ອີ່ມທ້ອງດົນ ເພາະຖ້າໃຫ້ນ້ຳຕານໃນເລືອດຂຶ້ນລົງໄວເກີນໄປ ຫລື ຫິວຫລາຍເກີນໄປຈົນລະດັບອິນຊູລິນຫລຸດລົງ ອາດສົ່ງຜົນກະທົບຕໍ່ຄວາມດຸ່ນດ່ຽງຂອງຮໍໂມນໄດ້ ເຊິ່ງຄວາມປັ່ນປ່ວນຂອງລະດັບນ້ຳຕານໃນເລືອດ ແລະ ອິນຊູລິນຫລາຍເກີນໄປ ອາດນຳໄປສູ່ການດື້ອິນຊູລິນ ແລະ ພະຍາດເບົາຫວານ ເຊິ່ງເປັນບັນຫາສຳລັບການຈະເລີນພັນ ຫລື ເຮັດໃຫ້ມີລູກຍາກໄດ້.
- ຜັກຫົມ ແລະ ຜັກໃບຂຽວເຂັ້ມອື່ນໆ : ເປັນແຫ່ລງຂອງທາດເຫລັກ ແລະ ໂຟເລດ. ທາດເຫລັກມີຄວາມສຳຄັນຫລາຍຕໍ່ໄລຍະການຕົກໄຂ່ ຊ່ວຍເຮັດໃຫ້ໄຂ່ແຂງແຮງໃນໄລຍະການເປັນປະຈຳເດືອນ ແລະ ການຕົກໄຂ່ ແລະ ເສີມທາດເຫລັກສະສົມໄວ້ຕັ້ງແຕ່ກ່ອນຖືພາຈະຊ່ວຍຫລຸດບັນຫາພະຍາດເລືອດຈາງໄດ້. ໂຟເລດ ຫລື ກົດໂຟລິກ ເປັນອີກສານອາຫານສຳຄັນຂອງການຖືພາ ຕັ້ງແຕ່ເລີ່ມພືຖາ ການເສີມໂຟເລດຈະຊ່ວຍພັດທະນາສະໝອງ, ຫົວໃຈ ແລະ ເສັ້ນປະສາດໃນເດັກ, ຫລຸດໂອກາດສ່ຽງທີ່ລູກຈະພິການ ແລະ ຍັງຊ່ວຍຫລີກເວັ້ນອາການແຊກຊ້ອນໃນການຖືພານຳອີກ.
- ຖົ່ວ : ມີສານອາຫານສຳຄັນຫລາຍຊະນິດ ທັງໂປຣຕິນ, ທາດເຫລັກ, ໂຟເລດ ແລະ ໄຍອາຫານ ໂດຍສະເພາະໄຍອາຫານ ຫລື ໄຟເບີ ຊ່ວຍເຮັດໃຫ້ລະບົບຍ່ອຍອາຫານເຮັດວຽກໄດ້ດີ ແລະ ຊ່ວຍເພີ່ມໂອກາດການຖືພາ ໂດຍການກຳຈັດຮໍໂມນສ່ວນເກີນໃນຮ່າງກາຍ.
- ໝາກບລູເບີຣີ : ບໍ່ພຽງມີວິຕາມິນ C, ໂຟເລດ ແລະ ໄຟເບີຫລາຍເທົ່ານັ້ນ, ແຕ່ຍັງເຕັມໄປດ້ວຍສານຕ້ານອະນຸມູນອິດສະລະທີ່ຊ່ວຍເພີ່ມໂອກາດການຖືພາໄດ້ ທັງໃນຊາຍ ແລະ ຍິງ ເພາະສານຕ້ານອະນຸມູນອິດສະລະຈະຊ່ວຍຫລຸດຄວາມເສຍຫາຍຕໍ່ແຊນສືບພັນ ທັງໃນອະສຸຈິ ແລະ ໄຈ່ ຈາກສານອະນຸມູນອິດສະລະທີ່ສ້າງຂຶ້ນໃນຮ່າງກາຍ.
- ຫອຍນາງລົມ : ຖ້າຖືພາແລ້ວອາດຈະຕ້ອງພະຍາຍາມຫລີກເວັ້ນຂອງດິບໆ ແຕ່ໃນໄລຍະທີ່ກຳລັງຈະມີລູກ ຫລື ພະຍາຍາມຖືພາ ຫອຍນາງລົມ ເຊິ່ງມີແຮ່ທາດສັງກະສີຫລາຍອາດຊ່ວຍໃຫ້ມີລູກງ່າຍຂຶ້ນ ເພາະສັງກະສີຊ່ວຍເພີ່ມອັດຕາກການຖືພາໃນແມ່ຍິງໄດ້.
- ແກ່ນໝາກອຶ : ຖ້າບໍ່ກິນຫອຍນາງລົມດິບໆ ອາດຈະປ່ຽນມາເປັນແກ່ນໝາກອຶແທນໄດ້ ເພາະເປັນແຫ່ລງອາຫານທີ່ໃຫ້ສັງກະສີຫລາຍຄືກັນ.
- ເນັ້ນອາຫານຄາບເຊົ້າ : ການກິນເຂົ້າເຊົ້າຫລາຍຂຶ້ນອາດຊ່ວຍແກ້ໄຂບັນຫາການມີລູກຍາກໃນແມ່ຍິງໄດ້ ໂດຍມີການສຶກສາໜຶ່ງພົບວ່າ ຖ້າຫາກແມ່ຍິງທີ່ມີນຳ້ໜັກປົກກະຕິ ແລະ ມີອາການພະຍາດຖົງນຳ້ຮັງໄຂ່ຫລາຍໜ່ວຍ ກິນເຂົ້າເຊົ້າຫລາຍຂຶ້ນຈະຫລຸດລະດັບອິນຊູລິນລົງ 8% ແລະ ລະດັບເທສໂຕສເຕີໂຣນຫລຸດລົງ 50% ເຊິ່ງການມີລະດັບຮໍໂມນນີ້ສູງເກີນໄປອາດເຮັດໃຫ້ເກີດບັນຫາມີລູກຍາກໄດ້, ແຕ່ຖ້າກິນເຂົ້າເຊົ້າເພີ່ມຂຶ້ນແລ້ວ ກໍຄວນຫລຸດເຂົ້າຄາບອື່ນລົງນຳ ເພາະອາດເຮັດໃຫ້ນຳ້ໜັກເພີ່ມຂຶ້ນ ຫລື ຕຸ້ຍຂຶ້ນໄດ້.
- ຫລີກເວັ້ນອາຫານໄຂມັນທຣານ : ການກິນໄຂມັນທີ່ດີທຸກມື້ຊ່ວຍເພີ່ມອັດຕາການຖືພາໄດ້, ແຕ່ຕ້ອງເລືອກໄຂມັນໃຫ້ຖືກນຳ ເພາະຫາກເລືອກກິນໄຂມັນທຣານ ອາດຍິ່ງເພີ່ມຄວາມສ່ຽງຂອງການມີລູກຍາກຈາກການຕົກໄຂ່. ໄຂມັນທຣານມັກພົບໃນນຳ້ມັນພືດຕື່ມຮີໂດຣແຊນບາງຊະນິດ ຫລື ໃນມາກາຣີນ,ໃນຈຳພວກອາຫານຈືນໆ ຫລື ພວກເຂົ້າໜົມເບເກີຣີ ໆລໆ. ໄຂມັນທຣານອາດເພີ່ມຄວາມສ່ຽງຕໍ່ການມີລູກຍາກຈາກການຕົກໄຂ່ 31% ແລະ ການກິນໄຂມັນທຣານແທນຄາໂບໄຮເດຣດອາດເພີ່ມຄວາມສ່ຽງນີ້ໄດ້ 73%.
- ເສີມທາດເຫລັກ : ອາຫານສຳລັບຄົນມີລູກຍາກທີ່ຄວນລອງຄື ການກິນອາຫານທີ່ມີທາດເຫລັກ, ແຕ່ຕ້ອງເປັນທາດເຫລັກທີ່ມາຈາກພືດ ບໍ່ແມ່ນມາຈາກຊີ້ນສັດ ເຊິ່ງການກິນອາຫານທີ່ມີທາດເຫລັກ ມີຄວາມກ່ຽວຂ້ອງວ່າ ເຮັດໃຫ້ມີລູກຍາກຈາກການຕົກໄຂ່ຫລຸດລົງເຖິງ 40% ແຕ່ອາຫານທີ່ມີທາດເຫລັກຈາກທຳມະຊາດນັ້ນຍາກຕໍ່ການດູດຊຶມຂອງຮ່າງກາຍນຳ ຄວນເສີມໂດຍອາຫານທີ່ມີວິຕາມິນ C ຫລາຍນຳ ເພື່ອຊ່ວຍເພີ່ມການດູດຊຶມໃຫ້ແກ່ຮ່າງກາຍ.
- ກິນວິຕາມິນລວມເສີມ ເພີ່ມໂອກາດການມີລູກ : ອາດຫລຸດຄວາມສ່ຽງການມີລູກຍາກຈາກການຕົກໄຂ້ລົງໄດ້ ມີການວິໄຈໜຶ່ງພົບວ່າແມ່ຍິງທີ່ກິນວິຕາມິນລວມ ມີຄວາມສ່ຽງຕໍ່ການມີລູກຍາກຫລຸດລົງ 41% ແລະ ໂດຍສະເພາະໃຜທີ່ກຳລັງຈະກຽມໂຕຖືພາ ການກິນວິຕາມິນລວມທີ່ມີໂຟເລດຍັງມີປະໂຫຍດຫລາຍຕໍ່ລູກໃນທ້ອງ. ມີການສຶກສາວ່າຫລັງຈາກໃຫ້ແມ່ຍິງກິນວິຕາມິນເສີມ ເປັນປະຈຳ 3 ເດືອນ ພົບອັດຕາການຖືພາເຖິງ 26% ເຊິ່ງເມື່ອທຽບໃສ່ກັບກຸ່ມທີ່ບໍ່ໄດ້ເສີມວິຕາມິນທີ່ຖືພາພຽງ 10%.
ນອກຈາກເອົາໃຈໃສ່ເລື່ອງອາຫານການກິນ, ການເສີມວິຕາມິນ ເພື່ອກຽມໂຕຖືພາແລ້ວ ຕ້ອງເບິ່ງແຍງສຸຂະພາບໃຫ້ແຂງແຮງ, ອອກກຳລັງກາຍສະໝໍ່າສະເໝີ, ນອນຫລັບພັກຜ່ອນໃຫ້ພຽງພໍ. ສິ່ງສຳຄັນຄື ຢ່າເຄັ່ງຄຽດ ເຮັດໃຈໃຫ້ສະບາຍ ຜ່ອນຄາຍ ຖ້າຮ່າງກາຍແຂງແຮງພ້ອມ ຮັບຮອງວ່າບໍ່ດົນເກີນໄປຕ້ອງສົມຫວັງມີລູກນ້ອຍໄດ້ຢ່າງແນ່ນອນ.
