ກອງທັບເຮືອ-ອາກາດຈີນຊ້ອມຮົບຄັ້ງໃຫຍ່
ກອງທັບເຮືອ ແລະ ກອງທັບອາກາດຂອງກອງທັບປົດປ່ອຍປະຊາຊົນຈີນ (PLA) ມີການຊ້ອມຮົບຄັ້ງໃຫຍ່ ໂດຍໃຊ້ລູກປືນແທ້ ໃນທະເລຮອຍຕໍ່ກັບແຫລມເກົາຫລີ ໃນວັນທີ 8 ສິງຫາ ທ່າມກາງຄວາມເຄັ່ງຕຶງທີ່ເພີ່ມຂຶ້ນຢູ່ພາກພື້ນ ຈາກບັນຫາໂຄງການອາວຸດນິວເຄຼຍຂອງ ສປປ ເກົາຫລີ.
ສຳນັກຂ່າວ AFP ລາຍງານຈາກເມືອງຊຽງໄຮ້ ປະເທດຈີນ ໃນວັນທີ 8 ສິງຫາວ່າ: ຖະແຫລງການຂອງກະຊວງປ້ອງກັນປະເທດຈີນ ກ່າວວ່າ: ການຊ້ອມຮົບຄັ້ງໃຫຍ່ມີຂຶ້ນໃນທະເລ ແລະ ນ່ານຟ້າທະເລເຫລືອງ ແລະ ອ່າວໂປໄຫ່ ນອກຊາຍຝັ່ງທາງຕາເວັນອອກຂອງຈີນ. ການຊ້ອມທາງຍຸດທະວິທີ ລວມທັງການຍິງຈະຫລວດຫລາຍສິບລູກ, ມີເຮືອຮົບເຂົ້າຮ່ວມຫລາຍສິບລຳ, ອາກາດສະຍານຫລາຍກວ່າ 10 ລຳ, ເຮືອດຳນ້ຳ ແລະ ເຈົ້າໜ້າທີ່ໜ່ວຍເຮືອລາດຕະເວນແຄມຝ່ັງ. ການຊ້ອມຄັ້ງນີ້ມີເປົ້າໝາຍເພື່ອທົດສອບອາວຸດ ແລະ ກຽມຄວາມພ້ອມກອງທັບ ສຳລັບປະຕິບັດການໂຈມຕີແຄມຝັ່ງ ແລະ ການຍິງສະກັດກັ້ນເປົ້າໝາຍໃນອາກາດ. ກະຊວງປ້ອງກັນປະເທດຈີນບໍ່ລະບຸໄລຍະເວລາການຊ້ອມຮົບຄັ້ງນີ້, ແຕ່ໄດ້ມີການປະກາດຫ້າມເຮືອຕ່າງໆຂີ່ຜ່ານພື້ນທີ່ຊ້ອມຮົບເປັນເວລາ 4 ວັນ.
