ກາຕ້າ ຈັດເຕັມ! ຕິດຕັ້ງເຄື່ອງປັບອາກາດ ໃນສະໜາມທີ່ໃຊ້ແຂ່ງຂັນບານໂລກ 2022
ເຖິງເວລາແລ້ວທີ່ນັກກິລາ ແລະ ແຟນບານຊາວເອເຊຍ ບໍ່ຕ້ອງທົນຄວາມຮ້ອນໃນສະໜາມອີກຕໍ່ໄປ ເມື່ອ ກາຕ້າ ເຈົ້າພາບຈັດການແຂ່ງຂັນບານໂລກ 2022 ເປີດເທັກໂນໂລຢີເຮັດຄວາມເຢັນໃນສະໜາມກິລາ.
ເປັນທີ່ຮູ້ກັນດີວ່າບານໂລກ 2022 ຈະກັບຄືນສູ່ເອເຊຍອີກຄັ້ງ. ເກີດຂຶ້ນທີ່ກາຕ້າ ຊຶ່ງບັນຫາໃຫຍ່ກໍ່ຄືອາກາດຮ້ອນຫຼາຍ ແລະ ເຖິງແມ່ນວ່າ ຟີຟ່າ ຕັດສິນໃຈກໍານົດການແຂ່ງຂັນທີ່ຈະຈັດຂຶ້ນໃນລະດູໜາວເປັນຄັ້ງທໍາອິດໃນປະຫວັດສາດເຕະບານໂລກ ແຕ່ອຸນຫະພູມໃນກາຕ້າໃນເດືອນພະຈິກຍັງສູງເຖິງ 30 ອົງສາເຊວຊຽດ. ແຕ່ດ້ວຍເຫດຜົນນີ້ຈຶ່ງເຮັດໃຫ້ເກີດລະບົບເຮັດຄວາມເຢັນໃຫມ່ໄດ້ຖືກປະດິດຂຶ້ນມາໃຊ້ ເພື່ອໃຊ້ໃນການແຂ່ງຂັນບານໂລກ 2022, ໂດຍອາຍເຢັນຈະຖືກສູບເຂົ້າໄປໃນສະຫນາມກິລາໂດຍຜ່ານຫົວສິດຄວາມເຢັນ
ຈາກການທົດລອງໃຊ້ຕົວຈິງຂອງລະບົບເຮັດຄວາມເຢັນແບບໃໝ່ນີ້ຢູ່ທີ່ສະໜາມກິລາ ຄາລິຟາ ໃນເມືອງ ໂດຮາ ເປັນສະໜາມກິລາແບບເປີດໂລ່ງ ມີແຟນບານ 48,000 ຄົນເຂົ້າຮ່ວມເກມ ຜົນປະກົດວ່າເທັກໂນໂລຢີໃໝ່ສາມາດຫຼຸດຄວາມເຢັນລົງໄດ້ເຖິງ 20 ອົງສາ ໃນສະໜາມ ແລະ 23 ອົງສາໃນບ່ອນອັດສະຈັນ
