ລີເວີພູລ ພ້ອມກຽມຄວ້ານັກເຕະເປົ້າຫມາຍແມນຢູ ຄ່າຕົວສູງເຖິງ 150 ລ້ານປອນ

‘‘ ຟຸດບອລ ອິນໄຊເດີ ’’ ລາຍງານວ່າ ລີເວີພູລ ສະໂມສອນໃຫຍ່ແຫ່ງພຣີເມຍລີກ ອັງກິດ ວາງໃຫ້ ດີແຄລນ ໄຣ ກອງກາງທີມຊາດອັງກິດ ຂອງສະໂມສອນ ເວສແຮມ ຢູໄນເຕັດ ເປັນເປົ້າຫມາຍອັນດັບ 1 ໃນການເສີມທີມລະດູການນີ້.

ສຳລັບ ໄຣ ໂຊຟອມໄດ້ຢ່າງໂດດເດັ່ນໃນທີມຊາດອັງກິດ ແລະ ເວສແຮມ ຢູໄນເຕັດ ໂດຍລາວມີສ່ວນສຳຄັນໃນການຊ່ວຍໃຫ້ເວສແຮມ ຄອງອັນດັບ 6 ຂອງຕາຕະລາງຄະແນນພຣີເມຍລີກ ຢູ່ໃນເວລານີ້ ມີໂອກາດຕິດອັນດັບ 4 ໄປຫລິ້ນຢູຟາ ແຊ໊ມປຽນລີກ ລະດູການຫນ້າ ໂດຍມີຄະແນນຕາມຫລັງອັນດັບ 4 ທັອດແນມ ຮັອດສະເປີ ຢູ່ພຽງ 3 ຄະແນນເທົ່ານັ້ນ ສົ່ງຜົນໃຫ້ລາວຕົກເປັນທີ່ຫມາຍປອງຂອງ ເຊລຊີ ແລະ ແມນເຊສເຕີ ຢູໄນເຕັດ.

ແນວໃດກໍຕາມ ລາຍງານຫລ້າສຸດລະບຸວ່າ ລີເວີພູລ ຄືທີມຫລ້າສຸດທີ່ເຂົ້າມາຮ່ວມວົງຍາດ ດີແຄລນ ໄຣ ເຖິງວ່າດາວເຕະອາຍຸ 23 ປີ ຈະຖືກ ເວສແຮມ ຢູໄນເຕັດ ຕັ້ງຄ່າຕົວເອົາໄວ້ສູງເຖິງ 150 ລ້ານປອນ ກໍຕາມ ໂດຍ ເຈີເກັນ ຄລອບ ຜູ້ຈັດການທີມລີເວີພູລ ຕ້ອງການຈະດຶງນັກເຕະພະລັງຫນຸ່ມເຂົ້າມາເສີມຄວາມສົດໃນຂຸມກຳລັງກອງກາງທີ່ເລີ່ມອາຍຸສູງ ເຊ່ັນ ຈໍແດນ ເຮນເດີສັນ ແລະ ຕີອາໂກ ອັລຄັນທາຣາ ເປັນຕົ້ນ.