ແຟນບານອັງກິດເປີດເຜີຍລາຄາບ່ອນພັກ-ປີ້ເຂົ້າຊົມ ບານໂລກ 2022 ແພງທີ່ສຸດ

ສື່ກິລາອັງກິດລາຍງານວ່າ ແຟນບານອັງກິດຄົນຫນຶ່ງໄດ້ໄປສຳຫລວດເຖິ່ງຄ່າບ່ອນພັກ ແລະ ຄ່າປີ້ ໃນການແຂ່ງຂັນບານໂລກ 2022 ຮອບສຸດທ້າຍທີ່ປະເທດກາຕາ ທີ່ຈະເກີດຂຶ້ນໃນທ້າຍປີນີ້.

ເຊິ່ງມີລາຍງານວ່າ ຄ່າໂຮງແຮມໃນປະເທດກາຕາແພງຂຶ້ນແບບໂດດຂັ້ນ ເຊິ່ງມີຂໍ້ມູນເປີດເຜີຍວ່າ ແພງສຸດເຖິງຄືນລະ 9 ພັນປອນ ແລະ ຄ່າປີ້ເດີນທາງມາຍັງປະເທດກາຕາພ້ອມທັງຄ່າບັດເຂົ້າຊົມການແຂ່ງຂັນມີລາຄາແພງເຖິງ 2 ພັນປອນ.

ສຳລັບບານໂລກ 2022 ຈະເລີ່ມຂຶ້ນໃນວັນທີ 21 ພະຈິກ – 18 ທັນວາ ໂດຍໃນຄັ້ງນີ້ຈະເປັນຄັ້ງທີ 2 ທີ່ແຜ່ນດິນເອເຊຍໄດ້ຈັດການແຂ່ງຂັນບານໂລກ ຕໍ່ຈາກບານໂລກເມື່ອປີ 2002 ທີ່ປະເທດຍີ່ປຸ່ນ ແລະ ສ.ເກົາຫລີ ເຊິ່ງຄັ້ງນັ້ນທີມຊາດບຣາຊິລຄວ້າແຊ໊ມໂລກໄປຄອງໄດ້ສຳເລັດ.