ກຳປູເຈຍ ຜະລິດຄຳໄດ້ຫລາຍກວ່າ 2 ໂຕນ

ສຳນັກຂ່າວ ຊິນຮວາ ຂອງຈີນ,ວັນທີ1ເມສານີ້, ທ່ານ ຮຸນແຊນ, ນາຍົກລັດຖະມົນຕີ ກຳປູເຈຍ ຖະແຫລງວ່າ:

ກຳປູເຈຍ ສາມາດ ຜະລິດຄຳແທ່ງບໍລິສຸດ 90% ໄດ້ 2.275 ກິໂລກຣາມ ຕັ້ງແຕ່ເລີ່ມຂຸດຄົ້ນ ແຮ່ຄຳໃນເດືອນມິຖຸນາ ປີ 2021 ໂດຍຄຳທັງໝົດມາຈາກການຂຸດຄົ້ນ ໃນບໍ່ແຮ່ຄຳພຽງໜຶ່ງແຫ່ງຈາກຫລາຍແຫ່ງໃນປະເທດ ເທົ່ານັ້ນ.

ຂະນະທີ່ ບໍລິສັດ Renaissance Minerals ( Cambodia ) ໃນກຸ່ມ Emerald Resources NL ຈົດທະບຽນ ໃນອົດສະຕຣາລີ ເປັນຜູ້ພັດທະນາ ບໍ່ແຮ່ຄຳ ໃນພື້ນທີ່ Okawa ເຂດ Kaewsima ໂດຍບໍລິສັດ Renaissance Minerals ສາມາດຜະລິດຄຳບໍລິສຸດໄດ້ປະມານ 3 ໂຕນຕໍ່ປີ ພາຍໃນໄລຍະເວລາ 8 ປີທຳອິດ ແລະ ມີທ່າອຽງສ້າງລາຍໄດ້ຈາກໂຄງການບໍ່ແຮ່ຄຳ ແຫ່ງນີ້ປະມານ 185 ລ້ານໂດລາສະຫະລັດຕໍ່ປີ ໂດຍເງິນປະມານ 40 ລ້ານໂດລາ ສະຫະລັດຈະເຂົ້າຄັງເງິນຂອງກຳປູເຈຍ ຜ່ານພາສີ ແລະ ການສຳປະທານ.