ເຄນ ຄວງ ອາເຕຕາ ຄວ້າ ນັກເຕະ-ຄູຝຶກ ດີເດັ່ນຂອງພຣີເມຍລີກເດືອນມີນາ

ແຮຣີ ເຄນ ດາວຍິງຕົວເກ່ັງ ສະເປີ ຄວ້າລາງດີເດ່ັນປະຈຳເດືອນມີນາຂອງພຣີເມຍລີກໄປຄອງຢ່າງງົດງາມ ສ່ວນລາງວັນຜູ້ຈັດການທີມດີເດ່ັນຕົກເປັນຂອງ ມິເກລ ອາເຕຕາ ຜູ້ຈັດການທີມ ອາເຊນອລ.

ແຮຣີ ເຄນ ດາວຍິງຄົນເກ່ັງຂອງ ທັອດແນມ ຮັອດສະເປີ ຄວ້າລາງວັນນັກເຕະດີເດ່ັນປະຈຳເດືອນມີນາ ຂອງພຣີເມຍລີກ ອັງກິດ ໄປຄອງຢ່າງງົດງາມ ຫລັງສ້າງຜົນງານໃຫ້ສະເປີໄດ້ຢ່າງຮ້ອນແຮງຕະຫລອດເດືອນທີ່ຜ່ານມາ.

ເຄນ ເຊິ່ງຄວ້າລາງວັນນີ້ໄປຄອງເປັນຄັ້ງທີ 7 ໃນອາຊີບ ແລະ ເປັນສະຖິຕິສູງສຸດທຽບເທົ່າກັບ ເຊີຄີໂອ ອາເກວໂຣ ຕຳນານດາວຍິງຂອງ ແມນເຊສເຕີ ຊິຕີ ຫລັງລະເບີດຟອມຍິງໄປ 4 ປະຕູກັບ 2 ແອສຊິສ ຈາກການລົງສະຫນາມໃນລີກ 4 ນັດໃສ່ສະເປີໃນເດືອນມີນາ.

ຂະນະທີ່ລາງວັນຜູ້ຈັດການທີມດີເດ່ັນຕົກເປັນຂອງ ມິເກລ ອາເຕຕາ ຜູ້ຈັດການທີມອາເຊນອລ ທີ່ພວມພາອາເຊນອລ ຄອງອັນດັບ 4 ຕາຕະລາງ ດ້ວຍການເກັບໄຊໄດ້ 3 ນັດ ເຫນືອ ວັດຟອດ, ແອສຕັນ ວິລລາ ແລະ ເລສເຕີ ຊິຕີ ໂດຍເສຍຄາບ້ານໃຫ້ ລີເວີພູລ ໄປຫນຶ່ງນັດໃນຮອບເດືອນທີ່ຜ່ານມາ.